بەزى ئادەم ئىشلەتكۈچى ئورۇنلار ئىجتىمائىي سۇغۇرتا ھەققىنى تاپشۇرۇشنىڭ ئورنىغا نەق پۇل بەرمەكچى بولىدۇ، تېخى بۇنى «ئىشچى- خىزمەتچىلەر ياخشى بولسۇن، دەپ مۇشۇنداق قىلدۇق» دەيدۇ. بۇنداق گەپلەرگە ئەخمەق بولماڭ! بۇنى قەتئىي رەت قىلسىڭىز، توغرا قىلغان بولىسىز. 

   بەزى ئىشچى- خىزمەتچىلەر ئىجتىمائىي سۇغۇرتا ھەققىنى مائاش شەكلىدە ئېلىۋېلىپ، ئىجتىمائىي سۇغۇرتا ھەققىنى خالىسا تۆلەپ، خالىمىسا تۆلىمەسلىكنى ئويلايدۇ. ئۇلار «مۇشۇنداق قىلساق پايدا ئالغان بولىمىز» دەپ قارايدۇ. بۇنداق «ئۇستاتلىق»نى ھەرگىز قىلماڭ.

   ئىجتىمائىي سۇغۇرتا ھەققى تاپشۇرۇشنىڭ ئورنىغا نەق پۇل بەرسە بولامدۇ؟ ئەلۋەتتە بولمايدۇ! «ئىجتىمائىي سۇغۇرتا ھەققى يىغىش ۋاقىتلىق نىزامى»نىڭ 12- ماددىسىدا مۇنداق بەلگىلەنگەن: ھەق تاپشۇرغۇچى ئورۇن ۋە ھەق تاپشۇرغۇچى شەخسلەر ئىجتىمائىي سۇغۇرتا ھەققىنى پۇل شەكلىدە تولۇق تاپشۇرۇشى كېرەك. ھەق تاپشۇرغۇچى شەخسلەر تاپشۇرۇشقا تېگىشلىك ئىجتىمائىي سۇغۇرتا پۇلىنى تۇرۇشلۇق ئورۇن شۇ كىشىنىڭ مائاشىدىن ۋاكالىتەن تۇتۇپ قېلىپ تاپشۇرىدۇ.

   ئادەم ئىشلەتكۈچى ئورۇن ۋە شەخسنىڭ ئىجتىمائىي سۇغۇرتا ھەققى توغرىسىدا ئۆز ئالدىغا پۈتۈشۈشىگە يول قويۇلمايدۇ، ئادەم ئىشلەتكۈچى ئورۇن نەق پۇل تۆلەيدۇ، ئىجتىمائىي سۇغۇرتا تاپشۇرماسلىق ياكى ئىشچى- خىزمەتچىلەر ئىجتىمائىي سۇغۇرتا ھەققىنى ئۆزى تاپشۇرۇش ئۇسۇلىنى قوللىنىشقا بولمايدۇ.

   كۆپچىلىك چوقۇم كۆزۈڭلارنى يوغان ئېچىڭلار، باشقىلارنىڭ گېپىگە ئىشەنمەڭلار، ئازراق مەنپەئەت كۆزۈڭلارنى ئېتىۋالمىسۇن!

پايدىلانغان مەنبە: «ئۆگىنىش كۈچلۈك دۆلىتى» ئۆگىنىش سۇپىسى