ئاقسۇ ئاخبارات تورى \ ئاقسۇ ۋىلايەتلىك يۇغۇرما تاراتقۇ مەركىزى （ئىختىيارىي مۇخبىرىمىز لى پىڭ خەۋەر قىلىدۇ） 7 ـ ئاينىڭ 28 ـ كۈنى، ۋىلايەتنىڭ «ئومۇمىي مۈلۈكچىلىكتىن باشقا ئىقتىسادىي تەشكىلاتلارنىڭ پارتىيە قۇرۇلۇشى ۋە مىللەتلەر ئىتتىپاقلىقى ـ تەرەققىياتى بويىچە بەرپا قىلىش خىزمىتى»نى نەق مەيداندا ئالغا سىلجىتىش يىغىنى باي ناھىيەسىدە ئېچىلدى.

يىغىندا، باي ناھىيەسى ۋە شىنجاڭ كۇچا مېھمانخانىسى چەكلىك مەسئۇلىيەت شىركىتى قاتارلىق ئالتە پارتىيە ياچېيكىسى ئايرىم ـ ئايرىم ھالدا پىكىر ئالماشتۇرۇپ سۆز قىلىپ، نۆۋەتتىكى ئومۇمىي مۈلۈكچىلىكتىن باشقا ئىقتىسادىي تەشكىلاتلارنىڭ پارتىيە قۇرۇلۇشى ۋە مىللەتلەر ئىتتىپاقلىقى ـ تەرەققىياتى بويىچە بەرپا قىلىش خىزمىتىنىڭ قانات يايدۇرۇلۇش ئەھۋالى، قولغا كەلتۈرۈلگەن باسقۇچ خاراكتېرلىك نەتىجىلەرنى خۇلاسە قىلدى.

يىغىندا مۇنداق تەلەپ قىلىندى: «ئىككى يېڭى» تەشكىلاتلارنىڭ پارتىيە قۇرۇلۇشى ۋە مىللەتلەر ئىتتىپاقلىقى تەرەققىياتى بويىچە بەرپا قىلىش خىزمىتىنى ئومۇمىي ئورۇنلاشتۇرۇشقا كىرگۈزۈپ، «ئىككى يېڭى» تەشكىلاتلارنىڭ پارتىيە قۇرۇلۇشى ۋە مىللەتلەر ئىتتىپاقلىقى تەرەققىياتى بويىچە بەرپا قىلىش خىزمىتىنى تۈزۈملەشتۈرۈش، قېلىپلاشتۇرۇش، ئىلمىيلاشتۇرۇش سەۋىيەسىنى ئۆستۈرۈپ، ئومۇمىي مۈلۈكچىلىكتىن باشقا ئىقتىسادىي تەشكىلاتلارنىڭ پارتىيە قۇرۇلۇشى ۋە مىللەتلەر ئىتتىپاقلىقى ـ تەرەققىياتى بويىچە بەرپا قىلىش خىزمىتىنىڭ يەنە يېڭى پەللىگە كۆتۈرۈلۈشىنى ئۈزلۈكسىز ئالغا سىلجىتىش كېرەك.

يىغىندا مۇنداق تەكىتلەندى: بۇ قېتىملىق ئالغا سىلجىتىش يىغىنىنى پۇرسەت قىلىپ، مەسئۇلىيەتنى دادىل زىممىگە ئېلىپ، ئۆتكەلگە ھۇجۇم قىلىپ قىيىنچىلىقلارنى يېڭىپ، تېخىمۇ زور ئىشەنچ، تېخىمۇ پۇختا ئىستىل بىلەن خىزمەتلەرنى پۇختا، ئىنچىكە ئەمەلىيلەشتۈرۈپ، ئومۇمىي مۈلۈكچىلىكتىن باشقا ئىقتىسادىي تەشكىلاتلارنىڭ پارتىيە قۇرۇلۇشى ۋە مىللەتلەر ئىتتىپاقلىقى ـ تەرەققىياتى بويىچە بەرپا قىلىش خىزمىتى سۈپىتىنىڭ ئومۇمىي گەۋدە بويىچە ئۆسۈشىگە تۈرتكە بولۇپ، ئىتتىپاق، ئىناق، مەدەنىي، باي، گۈزەل ئاقسۇ قۇرۇش ئۈچۈن قۇدرەتلىك بىرىكمە كۈچنى مۇجەسسەملەش كېرەك.

يىغىن مەزگىلىدە، يىغىنغا قاتناشقۇچىلار باي ناھىيەسىنىڭ باي بازىرى شىنيۈەن مەھەللىسى، شىنجاڭ تيەنيۈ ئۇرۇقچىلىق چەكلىك مەسئۇلىيەت شىركىتى قاتارلىق ئومۇمىي مۈلۈكچىلىكتىن باشقا كارخانا ۋە مىللەتلەر ئىتتىپاقلىقى ـ تەرەققىياتى بويىچە ئۈلگە كۆرسىتىدىغان يەتتە ئورۇننى كۆرەك قىلىپ، پارتىيە قۇرۇلۇشى ۋە مىللەتلەر ئىتتىپاقلىقى ـ تەرەققىياتى بويىچە بەرپا قىلىش خىزمىتىنىڭ قانات يايدۇرۇلۇش ئەھۋالىنى تەپسىلىي ئىگىلىدى.

ۋىلايەتلىك پارتىيە كومىتېتىنىڭ ئەزاسى، بىرلىك سەپ بۆلۈمىنىڭ باشلىقى ئەمەرجان ئىمىن يىغىن ۋە ئالاقىدار پائالىيەتلەرگە قاتناشتى.