5-ئاينىڭ 26-كۈنى، ساياھەتچىلەر بەيخۇايۇەن گۈللۈكىدە گۈل سەيلىسى قىلماقتا. يېقىندا، شىنجاڭ ئىشلەپچىقىرىش-قۇرۇلۇش بىڭتۇەنى 13-شىسى راكېتا دېھقانچىلىق مەيدانىنىڭ بەيخۇايۇەن گۈللۈكىدە تېرىلغان مودەنگۈل ۋە چوغلۇق گۈللىرى ئارقا-ئارقىدىن ھۈپپىدە ئېچىلىپ، نۇرغۇن ساياھەتچىنى بۇ يەرگە كېلىپ گۈل تاماشاسى قىلىشقا جەلپ قىلدى.

 پولات نىياز فوتوسى

5-ئاينىڭ 28-كۈنى، ساياھەتچىلەر چاپچال شىبە ئاپتونوم ناھىيەسىنىڭ سۇنجاچى نېرۇ بازىرىدىكى چوغلۇق گۈلى مەنزىرە رايونىدا سۈرەتكە چۈشۈپ خاتىرە قالدۇرماقتا. بۇ ناھىيە «ساياھەت + » تەرەققىيات ئىستراتېگىيەسىنى زور كۈچ بىلەن يولغا قويۇپ، دىڭبىڭ گۈلى، ئۆرۈك چېچىكى، ئەتىرگۈل، چوغلۇق گۈلى قاتارلىقلارنىڭ گۈل ئېچىلىش ئەۋزەللىكىنى تولۇق چۆرىدەپ، گۈلنى ۋاسىتە قىلىپ، بايرامدا دوستلارنى ئۇچراشتۇرۇپ، ھەر قايسى جايلاردىن كەلگەن ساياھەتچىلەرنى گۈل سەيلىسى قىلىشقا جەلپ قىلدى.

خۇا يەنمىڭ فوتوسى

5-ئاينىڭ 26-كۈنى، «يىقىلماس قونچاقسىمان ھەقىقىي ئادەم» ساياھەتچىلەر بىلەن ھەمتۈرتكە بولماقتا. ياز كىرىشى بىلەن، ئۈرۈمچى ئىقتىساد-تېخنىكا تەرەققىيات رايونى(تۇدۇڭخابا رايونى)غا جايلاشقان دۆلەت 4A دەرىجىلىك مەنزىرە رايونى تۇدۇڭخابا دەريا ۋادىسى ئورمان باغچىسى يېشىللىققا پۈركىنىپ، شەھەر ئاھالىلىرى ئارام ئېلىپ ساياھەت قىلىدىغان ياخشى جايغا ئايلاندى.

ياڭ بىن فوتوسى

5-ئاينىڭ 27-كۈنى، شەھەر ئاھالىلىرى دۇڭخۇ كۆلى باغچىسىنىڭ كەچلىك بازىرىدا مەززىلىك تائاملارنى تېتىماقتا. باش يازدا، يەنجى خۇيزۇ ئاپتونوم ناھىيەسىنىڭ دۇڭخۇ باغچىسىغا جايلاشقان شىڭگۇاڭ كەچلىك بازىرى نۇرغۇن شەھەر ئاھالىسىنى بۇ يەرگە كېلىپ كېچىلىك مەنزىرىنى تاماشا قىلىشقا، مەززىلىك تائاملارنى تېتىشقا، ياز كۈنلىرىدىن ھۇزۇر ئېلىشقا جەلپ قىلدى.

شيې جياڭلىن فوتوسى