خەلق تورىنىڭ «رەھبەرلەرگە سۆز قالدۇرۇش بېتى»دىكى ئۇچۇرغا ئاساسلانغاندا، بېيجىڭ ھۆكۈمەت تەرەپ بېيجىڭدىكى تور ئەھلىنىڭ «ئىشچى- خىزمەتچىلەر ئوقۇغۇچىلارنىڭ ئائىلە باشلىقلىرى يىغىنىغا قاتناشسا قانداق دەم ئېلىش ھېسابلىنىدۇ» دېگەن سوئالىغا قارىتا، 5- ئاينىڭ 22- كۈنى جاۋاب قايتۇرۇپ مۇنداق دېگەن: بېيجىڭ شەھىرىنىڭ «ئىشچى- خىزمەتچىلەر ئوقۇغۇچىلارنىڭ ئائىلە باشلىقلىرى يىغىنىغا قاتناشسا خىزمەت دەم ئېلىشى قاتارىدا بىر تەرەپ قىلىش توغرىسىدىكى ئۇقتۇرۇش»ىغا ئاساسەن، دۆلەت ئورگانلىرى، كارخانا، كەسپىي ئورۇنلار، خەلق تەشكىلاتلىرىدا ئىشلەيدىغان ئىشچى- خىزمەتچىلەر ئۆزى تۇرۇشلۇق ئورۇن رەھبەرلىرىنىڭ تەستىقىدىن ئۆتكەندىن كېيىن، ئائىلە باشلىقلىرى يىغىنىغا قاتناشسا، خىزمەت دەم ئېلىشى قاتارىدا بىر تەرەپ قىلىنىدۇ، مائاشى تولۇق بېرىلىدۇ.

  «بېيجىڭ تۇڭجوۋ» ناملىق تورداش 5- ئاينىڭ 11- كۈنى خەلق تورىنىڭ «رەھبەرلەرگە سۆز قالدۇرۇش بېتى»دە مۇنداق سۆز قالدۇردى: ئىشچى- خىزمەتچىلەر ئوقۇغۇچىلارنىڭ ئائىلە باشلىقلىرى يىغىنىغا قاتناشسا قانداق دەم ئېلىش ھېسابلىنىدۇ؟ خىزمەت دەم ئېلىشىغا كىرەمدۇ؟ كونكرېت ئېنىق بەلگىلىمە بارمۇ؟ ئەگەر ئادەم ئىشلەتكۈچى ئورۇن خىزمەت دەم ئېلىشى دەپ ھېسابلىمىسا، قانداق قىلىش كېرەك؟ 

  @بېيجىڭ 12345 5- ئاينىڭ 22- كۈنى جاۋاب قايتۇرۇپ مۇنداق دېدى: ئىشچى- خىزمەتچىلەر ئوقۇغۇچىلارنىڭ ئائىلە باشلىقلىرى يىغىنىغا قاتناشسا قانداق دەم ئېلىش ھېسابلىنىدۇ دېگەن سوئالغا قارىتا، بېيجىڭ شەھىرى تۇڭجوۋ رايونى جاۋاب قايتۇرۇپ مۇنۇلارنى بىلدۈردى: ئادەم كۈچى بايلىقى ۋە ئىجتىمائىي كاپالەت ئىدارىسى تەكشۈرۈپ تەتقىق قىلىش ئارقىلىق، «ئىشچى- خىزمەتچىلەر ئوقۇغۇچىلارنىڭ ئائىلە باشلىقلىرى يىغىنىغا قاتناشسا ھۆكۈمەت رۇخسىتى قاتارىدا بىر تەرەپ قىلىش توغرىسىدىكى ئۇقتۇرۇش»ىغا ئاساسلانغاندا، ئوقۇغۇچىلارنىڭ ئائىلە باشلىقلىرى بىلەن مەكتەپنىڭ ماسلىشىپ، ياش، ئۆسمۈر ئوقۇغۇچىلارغا بولغان تەربىيەنى كۈچەيتىش ئۈچۈن، دۆلەت ئورگانلىرى، كارخانا، كەسپىي ئورۇنلار، خەلق تەشكىلاتلىرىدا ئىشلەيدىغان ئىشچى- خىزمەتچىلەر مەكتەپنىڭ ئائىلە باشلىقلىرى يىغىنى ئاچىدىغانلىقى توغرىسىدىكى ئۇقتۇرۇشىنى تاپشۇرۇۋالغاندىن كېيىن، ئۇقتۇرۇشنى ئېلىپ ئۆزى تۇرۇشلۇق ئورۇننىڭ رەھبەرلىرىدىن رۇخسەت سورىسا بولىدۇ، تەستىقلانغاندىن كېيىن خىزمەت دەم ئېلىشى قاتارىدا بىر تەرەپ قىلىنىدۇ، مائاشى نورمال بېرىلىدۇ، مۇكاپات، باھالاش تەسىرگە ئۇچرىمايدۇ.