ئاقسۇ ئاخبارات تورى \ ئاقسۇ ۋىلايەتلىك يۇغۇرما تاراتقۇ مەركىزى (مۇخبىرىمىز دېڭ لىجۈەن، ئىختىيارىي مۇخبىرىمىز يى خۇي خەۋەر قىلىدۇ) 9 ـ ئاينىڭ 17 ـ كۈنى، ۋىلايەتنىڭ 2023 ـ يىللىق «مەملىكەتلىك پەننى ئومۇملاشتۇرۇش كۈنى» يۈرۈشلۈك پائالىيىتى باشلاندى، بۇ يىللىق پائالىيەتنىڭ باش تېمىسى «ئومۇمىي خەلقنىڭ پەن ساپاسىنى ئۆستۈرۈپ، پەن ـ تېخنىكىدا ئۆزىگە تايىنىش، ئۆزىنى قۇدرەت تاپقۇزۇشقا كۈچ قوشۇش»تىن ئىبارەت، ۋىلايەت ئەمەلىيەتكە بىرلەشتۈرۈپ، «ساغلام ئاقسۇ، پەننى ئومۇملاشتۇرۇشنى ھەممە ئائىلىگە يەتكۈزۈش» بويىچە ھەممەيلەن ھەرىكەتلىنىش پائالىيىتىنى قوشۇمچە باش تېما قىلىپ بېكىتتى.

باشلىنىش مۇراسىمىدا، يىغىنغا قاتناشقان رەھبەرلەر «مەملىكەت بويىچە پەننى ئومۇملاشتۇرۇشتىكى ئۈلگىلىك ناھىيە (شەھەر)» شەرىپىگە ئېرىشكەن ئاقسۇ شەھىرىگە ۋىۋىسكا بەردى، 9 ـ نۆۋەتلىك مەملىكەتلىك ياشلار پەننى ئومۇملاشتۇرۇش ئىجادىيەت تەجرىبىسى ھەم ئەسەرلەر مۇسابىقىسى (شىنجاڭ مۇسابىقە رايونى)دە مۇكاپاتقا ئېرىشكۈچىلەرگە گۇۋاھنامە تارقىتىپ بەردى.

پەننى ئومۇملاشتۇرۇش يېڭىلىق يارىتىش، تەرەققىي قىلىشتىكى ئۇللۇق خىزمەت. ۋىلايەت بۇ قېتىمقى پائالىيەتنى پۇرسەت قىلىپ، باش تېمىنى چۆرىدەپ، پائالىيەت مەزمۇنىنى بېيىتىپ، پەننى ئومۇملاشتۇرۇش پائالىيىتىنى ئاممىنىڭ ئەتراپىغا يەتكۈزىدۇ، ئاممىنىڭ تۇرمۇشىغا سىڭدۈرىدۇ. يۇغۇرما تاراتقۇ ئەۋزەللىكىدىن پايدىلىنىپ، پەننى ئومۇملاشتۇرۇشنى تارقىتىش يوللىرىنى كېڭەيتىپ، ھەرقايسى ساھەلەرنىڭ پەن ـ تېخنىكا تەرەققىيات نەتىجىلىرىنى نامايان قىلىپ، پەن ـ تېخنىكىدا يېڭىلىق يارىتىش نەتىجىلىرىنى تەشۋىق قىلىپ، پەننى ئومۇملاشتۇرۇشنىڭ قاپلاش دائىرىسىنى ئۈزلۈكسىز كېڭەيتىدۇ. ھەر دەرىجىلىك پەن ـ تېخنىكا جەمئىيىتى تەشكىلاتلىرى، كەڭ پەن ـ تېخنىكا ۋە پەننى ئومۇملاشتۇرۇش خىزمەتچىلىرى كەسپىي ئەۋزەللىكىنى داۋاملىق ياخشى جارى قىلدۇرۇپ، پۈتۈن جەمئىيەتتە ئىلىم ـ پەننى قىزغىن سۆيىدىغان، ئىلىم ـ پەننى قەدىرلەيدىغان، يېڭىلىق يارىتىشقا ئىلھام بېرىدىغان، ئىختىساسلىقلارنى ھۆرمەتلەيدىغان قويۇق كەيپىيات يارىتىشقا تۈرتكە بولۇپ، ۋىلايىتىمىزنىڭ تۈرلۈك ئىشلىرىنىڭ پۇختا قەدەم بىلەن يىراققا يۈرۈش قىلىشىغا كۈچ قوشىدۇ.

ئاپتونوم رايونلۇق پەن ـ تېخنىكا جەمئىيىتى پارتىيە گۇرۇپپىسىنىڭ ئەزاسى، مۇئاۋىن رەئىس گۈلنار ئوبۇل، ۋىلايەتلىك پارتىيە كومىتېتىنىڭ ئەزاسى بورھان مەمەت مۇراسىمغا قاتناشتى.