ئاقسۇ ئاخبارات تورى \ ئاقسۇ ۋىلايەتلىك يۇغۇرما تاراتقۇ مەركىزى. يېقىندا، ئاپتونوم رايوننىڭ «سەككىز چوڭ كەسىپ توپى» نۇقتىلىق قۇرۇلۇش تۈرلىرى بويىچە ئەمگەك ۋە ماھارەت مۇسابىقىسىنى باشلاش مۇراسىمى ھەم تەقدىرلەش يىغىنىدا شىنجاڭنى ئېچىش، گۈللەندۈرۈش تەقدىرنامىسىگە ئېرىشكەن 50 كوللېكتىپ، شىنجاڭنى ئېچىش، گۈللەندۈرۈش مېدالىغا ئېرىشكەن 150 شەخس، ئاپتونوم رايونلۇق ئىشچىلار ئاۋانگارتى نامىغا ئېرىشكەن 100 كوللېكتىپ تەقدىرلەندى، مۇخبىرنىڭ ۋىلايەتلىك ئىشچىلار ئۇيۇشمىسىدىن ئىگىلىشىچە، ۋىلايىتىمىزدىن ئالتە كوللېكتىپ ۋە يەتتە شەخس تەقدىرلەنگەن.  

بۇنىڭ ئىچىدە، ئاقسۇ كەسپىي تېخنىكا شۆيۈەنى شىنجاڭنى ئېچىش، گۈللەندۈرۈش تەقدىرنامىسىگە ئېرىشتى؛ ئاقسۇ شەھەرلىك جامائەت خەۋپسىزلىكى ئىدارىسى ساقچى ئىشلىرى تېخنىكىسى بويىچە 2 ـ دەرىجىلىك مەسئۇل باشقۇرغۇچى سۈن يەن، ۋىلايەتلىك ئوتتۇرا دەرىجىلىك كەسپىي تېخنىكا مەكتىپىنىڭ ئوقۇتقۇچىسى جاڭ جۈنلىن، ئۇچتۇرپان ناھىيەسىنىڭ يامانسۇ قىرغىز يېزىسى چېگرا قوغدىغۇچىلار شۆبە ئەترىتىنىڭ چېگرا قوغدىغۇچىسى روزى سادىق، شايار بوشىرەن ئەقلىي ئىقتىدارلىق يېزا ئىگىلىك ماشىنىلىرى چەكلىك شىركىتىنىڭ سېتىشتىن كېيىنكى مۇلازىمەت خادىمى توختى نىياز، شىنجاڭ كۇچا مېھمانخانىسى چەكلىك مەسئۇلىيەت شىركىتى مېھمانخانا بۆلۈمىنىڭ دىرېكتورى خۇاڭ يوۋخۇا، ئاقسۇ تىيانشان دولان سېمونتى چەكلىك مەسئۇلىيەت شىركىتىنىڭ تېخنىكى ياڭ خۇڭشىڭ، ئاقسۇ توقۇمىچىلىق سانائىتى شەھەرچىسى (تەرەققىيات رايونى) باشقۇرۇش كومىتېتى كەسىپ تەرەققىياتى ۋە ئىشقا ئورۇنلاشتۇرۇشنى ئىلگىرى سۈرۈش گۇرۇپپىسىنىڭ مۇئاۋىن باشلىقى (شىنجاڭغا ياردەمگە كەلگەن) چېن ۋېي شىنجاڭنى ئېچىش، گۈللەندۈرۈش مېدالىغا ئېرىشتى.

ئاپتونوم رايونلۇق ئىشچىلار ئاۋانگارتى نامىغا ئېرىشكەن كوللېكتىپلار: ئۇچتۇرپان ناھىيەلىك ھۆكۈمەت ئىشلىرى مۇلازىمىتى ۋە ئاممىۋى بايلىق سودا مەركىزىنىڭ ھۆكۈمەت ئىشلىرى مۇلازىمەت بۆلۈمى، ئاقسۇ شەھەرلىك ئاممىۋى قاتناش گۇرۇھى چەكلىك مەسئۇلىيەت شىركىتىنىڭ مەمۇرىي مۇلازىمەت زالى ئاممىۋى قاتناش ھەممىباب كارتا مەركىزى مۇلازىمەت كۆزنىكى، ئاقسۇ تيەنيۈ ئائىلە توقۇمىچىلىقى چەكلىك شىركىتى رەخت توقۇش شۆبە زاۋۇتى B بەنىنىڭ 4 ـ گۇرۇپپىسى، شىنجاڭ فۇۋو دورىگەرلىك چەكلىك شىركىتى ئايرىۋېلىش سېخىنىڭ تالقانلاش بەنى، شىنجاڭ ئەلنۇرى يېزا ئىگىلىك پەن ـ تېخنىكا تەرەققىيات چەكلىك شىركىتىنىڭ ئىشلەپچىقىرىش سېخىدىن ئىبارەت.