ئاقسۇ ئاخبارات تورى \ ئاقسۇ ۋىلايەتلىك يۇغۇرما تاراتقۇ مەركىزى. 5 ـ ئاينىڭ 21 ـ كۈنى، 2023 ـ يىللىق جۇڭگو تەكلىماكاننى ئايلىنىش (خەلقئارا) راللى مۇسابىقىسىنىڭ SS1 رەسمىي مۇسابىقىسى ئونسۇ ناھىيەسىدە ئۆتكۈزۈلىدىغان بولۇپ، باش مۇسابىقە يولى پاقىلىق مەنزىرە رايونى ۋە تىيانشان تومۇر چوققا مەنزىرە رايونىغا ئورۇنلاشتۇرۇلدى.

2023 ـ يىللىق جۇڭگو تەكلىماكاننى ئايلىنىش (خەلقئارا) راللى مۇسابىقىسىنىڭ ئونسۇ ناھىيەسىدىكى مۇسابىقە بۆلىكى 206 كىلومېتىر بولۇپ، مۇسابىقە كۆكيار بازىرىدىكى 100 مىڭ مولۇق ئېكولوگىيە باغچىسىدىن باشلىنىپ، پاقىلىق مەنزىرە رايونى، تىيانشان تومۇر چوققا مەنزىرە رايونى. تاغلاق كەنتى، بوزدۆڭ، چوڭ جىلغا قاتارلىق تۆت چوڭ مەنزىرە رايونىدىن ئۆتىدۇ، مۇسابىقە كۆرۈش نۇقتىسىدىن جەمئىي ئالتىسى تەسىس قىلىنغان بولۇپ، ئونسۇ ناھىيەسىنىڭ قارلىق تاغ، جىلغا، يايلاقلىرىنىڭ گۈزەل مەنزىرىسىدىن ھۇزۇرلىنىپلا قالماي، يەنە لىنىيە بويلىرىدىكى ئۆزگىچە مەززىلىك تاماقلارنى تېتىغىلى بولىدۇ.

نۆۋەتتە، جۇڭگو كۆچمە خەۋەرلىشىش گۇرۇھى شىنجاڭ چەكلىك شىركىتىنىڭ ئونسۇ ناھىيەسى شۆبە شىركىتى يول بويىدىكى ئالتە ھالقىلىق تۈگۈن، 23 ئاساسىي پونكىتنىڭ سىغىمىنى كېڭەيتىش خىزمىتىنى تاماملىدى، بۇنىڭ بىلەن پۈتۈن يول بۆلىكىدە 20 مىڭدىن ئارتۇق ساياھەتچىنىڭ تور ئىشلىتىش، خەۋەرلىشىش ئېھتىياجى قاندۇرۇلىدۇ.

ئونسۇ ناھىيەسىدىكى ھەر دەرىجىلىك تارماقلار مۇسابىقىگە كاپالەتلىك قىلىش خىزمىتىگە يۈكسەك ئەھمىيەت بېرىپ، دىققەتنى نۇقتىلىق ۋەزىپىگە مەركەزلەشتۈرۈپ، ۋاقىت تۈگۈنىنى چىڭ تۇتۇپ، مەسئۇلىيەتنى تەشەببۇسكارلىق بىلەن زىممىسىگە ئېلىپ، ئىش تەقسىماتى ۋە ۋەزىپىنى ئىنچىكىلەشتۈرۈپ، ئونسۇ ناھىيەسى مۇسابىقە بۆلىكىنى ئالدىنقى قاتاردا تۇرىدىغان مۇلازىمەت كاپالىتى ۋە بىخەتەر مۇسابىقە مۇھىتى بىلەن تەمىنلەيدۇ. بۇ مۇسابىقە بۆلىكىنىڭ تەييارلىق خىزمىتى تەرتىپلىك ئالغا سىلجىتىلىۋاتقان بولۇپ، 5 ـ ئاينىڭ 18 ـ كۈنى تولۇق تاماملىنىش مۆلچەرلەندى.