ئاقسۇ ئاخبارات تورى \ ئاقسۇ ۋىلايەتلىك يۇغۇرما تاراتقۇ مەركىزى. 5 ـ ئاينىڭ 8 ـ كۈنى، مۇخبىرنىڭ ۋىلايەتلىك مالىيە ئىدارىسىدىن ئىگىلىشىچە، 3 ـ ئاينىڭ ئاخىرىغا قەدەر، ۋىلايىتىمىزدىكى 10 مەبلەغ يۈرۈشتۈرۈش كېپىللىك ئاپپاراتى كېپىل بولۇۋاتقان قالدۇق سومما 3 مىليارد يۈەندىن ئاشقان، 3 مىليارد 68 مىليون يۈەنلىك 3570 كەسىپكە كېپىل بولۇپ، ئوتتۇرا، كىچىك، ئۇششاق كارخانىلار ۋە «يېزا ئىگىلىكى، يېزا، دېھقانلار» سۇبيېكتلىرىنىڭ مەبلەغ يۈرۈشتۈرۈشى قىيىن بولۇش، مەبلەغ يۈرۈشتۈرۈشى قىممەت بولۇش مەسىلىسىنى ئەڭ زور دەرىجىدە يېنىكلەتكەن.

ئاقسۇ ۋىلايەتلىك شېڭجياڭ ئۇنچىلىق چەكلىك شىركىتىنىڭ باش مۇدىرى جيا جېنيۈەن مۇنداق دېدى: كارخانىمىز بۇغداي سېتىۋالغاندا ئايلانما مەبلەغ يېتىشمىگەن ئىدى، شىنجاڭ شىنيۈەن مەبلەغ يۈرۈشتۈرۈش كېپىللىك چەكلىك مەسئۇلىيەت شىركىتى ئەھۋالىمىزنى بىلگەندىن كېيىن، پۇل مۇئامىلە مۇلازىمىتى يېشىل يولىنى راۋانلاشتۇرۇپ، كارخانىمىزنىڭ قىيىنچىلىقتىن قۇتۇلۇپ، قىيىن مەسىلىنى ھەل قىلىشىمىزغا پۈتۈن كۈچى بىلەن ياردەم بېرىپ، مەبلەغ بېسىمىمىزنى زور دەرىجىدە يېنىكلەتتى.

ئىگىلىنىشىچە، ۋىلايىتىمىزدىكى 10 مەبلەغ يۈرۈشتۈرۈش كېپىللىك ئاپپاراتى كارخانىلارنىڭ ئىناۋەت دەرىجىسىنى ئاشۇرۇش، بانكا ئۈچۈن خەۋپ ـ خەتەرنى تەڭ ئۈستىگە ئېلىش، ۋىلايەتنىڭ ئىقتىسادىي تەرەققىياتنى ئىلگىرى سۈرۈش تەدبىرلىرىنى ئەمەلىيلەشتۈرۈشنى مەبلەغ يۈرۈشتۈرۈش كېپىللىك ئاپپاراتلىرىنىڭ مەۋجۇت بولۇپ تۇرۇش ئاساسى قىلىپ، «كىچىك كارخانىلارنى يۆلەش، ئۇششاق كارخانىلارغا ياردەم بېرىش» ئەسلىي مەقسىتىدە چىڭ تۇرۇپ،«يېزا ئىگىلىكىگە ياردەم بېرىش، دېھقانلارغا نەپ يەتكۈزۈش» مەسئۇلىيىتىنى ئەمەلىيىتىدە كۆرسىتىپ، مۇلازىمەت سۈپىتىنى ئۈزلۈكسىز ئۆستۈرۈپ، كېپىللىك مۇلازىمىتى بوسۇغىسىنى تۆۋەنلەتتى. بۇ يىل كىرگەندىن بۇيان، 10 مەبلەغ يۈرۈشتۈرۈش كېپىللىك ئاپپاراتى «قەرزنى كۆرسىلا كېپىل بولۇش»تىن ئىبارەت خەۋپ ـ خەتەرنى تەڭ ئۈستىگە ئېلىش مېخانىزمىنى يولغا قويۇپ، ھەمكارلاشقان بانكىلارنىڭ تەكشۈرۈپ تەستىقلاش ئۈنۈمىنى ئۆستۈرۈش، كارخانىلارنىڭ ۋاقىت، تەننەرخىنى تۆۋەنلىتىش بىلەن بىللە، مەبلەغ يۈرۈشتۈرۈش كېپىللىك مۇلازىمىتىنىڭ كۆلىمى ۋە مۇلازىمەت دائىرىسىنى كېڭەيتكەن.

بۇنىڭدىن كېيىن، ۋىلايەتلىك مالىيە ئىدارىسى مۇلازىمەتنى نازارەت قىلىش ـ باشقۇرۇش خىزمىتىنى يەنىمۇ ياخشى ئىشلەپ، مەبلەغ يۈرۈشتۈرۈش كېپىللىك ئاپپاراتلىرىنى مەسئۇلىيەتنى زىممىگە ئېلىپ نەتىجە يارىتىپ، ئومۇمىي مەنپەئەتدارلىق پۇل مۇئامىلە ئىشلىرىنى چوڭقۇرلاشتۇرۇپ، دىققەتنى يېزا ئىگىلىكىگە ياردەم بېرىش، كىچىك كارخانىلارغا ياردەم بېرىشتىكى ئاساسلىق كەسىپكە مەركەزلەشتۈرۈپ، بانكا كەسپى پۇل مۇئامىلە ئاپپاراتلىرى بىلەن خەۋپ ـ خەتەرنى تەڭ ئۈستىگە ئېلىش مېخانىزمىنى سىجىل ئالغا سىلجىتىپ، بىناكارلىق ساھەسىدىكى كېپىللىك ئالاقىسى كەسپىنى ئىجادىي يولغا قويۇپ، خەۋپ ـ خەتەرنىڭ مەركەزلىشىش دەرىجىسىنى سىجىل تۆۋەنلىتىپ، خەۋپ ـ خەتەرنى تىزگىنلەش تەدبىرلىرىنىڭ چوڭقۇرلىشىپ تەرەققىي قىلىشىغا تۈرتكە بولۇپ، ئەمەلىي ئىقتىساد تەرەققىياتىنى ئىلگىرى سۈرۈشتىكى ئىتتىرگۈچلۈك رولىنى يەنىمۇ جارى قىلدۇرۇشقا يېتەكلەيدۇ.