شىنجاڭ گېزىتى، شېنجېن، 5 - ئاينىڭ 7 - كۈنى خەۋىرى　ئانار بۇلۇت\شىنجاڭ گېزىتى مۇخبىرى ياۋ گاڭ خەۋەر قىلىدۇ: 5 - ئاينىڭ 7 - كۈنى كەچتە، شېنجېن چوڭ تىياتىرخانىسىدا 1000دىن ئارتۇق تاماشىبىن شىنجاڭدىن كەلگەن ئېسىل نومۇرلارغا قايىل بولدى، ھەربىر نومۇر ئاخىرلاشقاندا، قىزغىن ئالقىش سادالىرى ئۇزاققىچە توختىمىدى. شۇ كۈنى، ناخشا - ئۇسسۇل، شېئىر، سۈرەت شەكلىدىكى چوڭ تىپلىق تىياتىر «يۈز ياپقۇڭنى قايرىۋەت − شىنجاڭ ياخشى جاي» مەملىكەت بويىچە سەييارە قويۇلۇپ، گۇاڭدۇڭ ئۆلكىسىنىڭ شېنجېن شەھىرىگە كەلدى .

پۈتۈن ئويۇن قويۇق شىنجاڭ پۇرىقىغا ئىگە بولۇپ، ۋەكىللىك خاراكتېرىگە ئىگە جۇڭخۇا مۇنەۋۋەر ئەنئەنىۋى مەدەنىيەت ئامىللىرى تاللىنىپ، ناخشا ئېيتىپ، ئۇسسۇل ئويناش ئارقىلىق شىنجاڭدىكى ھەر مىللەت ئوغۇل - قىزلارنىڭ قىزغىنلىقى، مېھماندوستلۇقى ۋە قەدىمكى، ھازىرقى يىپەك يولى مەدەنىيىتىنىڭ ئۆزگىرىشى ۋە تەرەققىياتى نامايان قىلىنىپ، يېڭى دەۋردىكى شىنجاڭنىڭ يېڭى ئوبرازى، يېڭى قىياپىتى، يېڭى سالاپىتى نامايان قىلىندى، تاماشىبىنلار ئېچىۋېتىلگەن شىنجاڭ، تەرەققىي قىلغان شىنجاڭ، بەختلىك شىنجاڭنى ھېس قىلدى.

«ئويۇن يېڭى دەۋردىكى شىنجاڭ خەلقىنىڭ گۈزەل تۇرمۇشقا ئىنتىلىشتەك روھىي قىياپىتىنى ئەكس ئەتتۈرگەن بولۇپ، گۈزەل شىنجاڭنىڭ نامى بىكارغا چىقماپتۇ.» تاماشىبىن خۇ بېنچۇن مۇنداق دېدى: پۈتۈن ئويۇن ناھايىتى تەسىرلىك بولدى، «ئەنئەنە بىلەن زامانىۋىلىق مۇكەممەل جىپسىلاشتۇرۇلۇپتۇ، مۇزىكا، ناخشا، ئۇسسۇل مېنىڭ تەسەۋۋۇرۇمدىن ھالقىغان شەكىلدە يۇغۇرۇلۇپ نامايان قىلىنىپتۇ. بۇ قېتىمقى ئويۇنغا ئوخشاش، مۇشۇنداق كەڭ قورساقلىق، يول ئېچىپ يېڭىلىق يارىتىش روھى بولسىلا، شىنجاڭنىڭ كەلگۈسى چوقۇم تېخىمۇ گۈزەل بولىدۇ».

شېنجېندا ئىگىلىك تىكلىگەن مەمەتتۇرسۇن توختىمەمەت مۇنداق دېدى: «شېنجېندا يۇرتۇمنىڭ ناخشا - ئۇسسۇللىرىنى كۆرۈپ ناھايىتى ھاياجانلاندىم، ئويۇن ماڭا يۇرتۇمدىكى غايەت زور ئۆزگىرىشلەرنى ھېس قىلدۇردى، مەن چىن قەلبىمدىن پەخىرلەندىم».

ناخشا - ئۇسسۇل، شېئىر، سۈرەت شەكلىدىكى چوڭ تىپلىق تىياتىر «يۈز ياپقۇڭنى قايرىۋەت − شىنجاڭ ياخشى جاي»نى مەدەنىيەت ۋە ساياھەت مىنىستىرلىقى، ئاپتونوم رايونلۇق خەلق ھۆكۈمىتى بىرلىكتە ۋۇجۇدقا چىقارغان بولۇپ، 2022 - يىلى 1 - ئايدىن باشلاپ پىلانلاپ تەييارلىق قىلغان، 2022 - يىلى 4 - ئايدا پۈتۈن مەملىكەتتىكى داڭلىق سەنئەتكارلار ئۈرۈمچىدە ئىجادىيەت پىلانىنى تاماملاپ، ئويۇننىڭ دەسلەپكى لايىھەسىنى شەكىللەندۈرگەن ھەم ئاساسلىق ئىجادىيەت كوللېكتىپىنى تەشكىللىگەن، شىنجاڭدىكى دۆلەت ئىلكىدىكى 20 نەچچە سەنئەت ئۆمىكى ۋە ئالىي مەكتەپلەردىكى سەرخىل ئىختىساسلىقلاردىن تەشكىللەنگەن ئويۇن قويۇش قوشۇنىنى تاللاپ چىققان. نومۇرلار شىنجاڭنىڭ يەرلىك كىلاسسىك مىللىي ناخشىلىرى، مىللىي ئۇسسۇللىرى، شىنجاڭ ئۇيغۇر مۇقام سەنئىتى، مىللىي ئېپوس ئېيتىش، مۇزىكىلىق قىسقا تىياتىر قاتارلىق كۆپ خىل تۈردىكى سەنئەت ئورۇنلاش شەكلىنى ئۆز ئىچىگە ئالىدۇ.