ئاقسۇ ئاخبارات تورى > دەل ۋاقتىدا يەتكۈزۈش
ئاقسۇ ئاخبارات تورى \ ئاقسۇ ۋىلايەتلىك يۇغۇرما تاراتقۇ مەركىزى خەۋىرى. 2 ـ ئاينىڭ 20 ـ كۈنى، مۇخبىرنىڭ ۋىلايەتلىك ئىسلاھات ۋە تەرەققىيات كومىتېتىدىن ئىگىلىشىچە، يېقىندا، ئونسۇ ناھىيەسىنىڭ كۆكيار بازىرى قۇرۇۋاتقان ئېكولوگىيەنى تۈزەشنى سۇ بىلەن تەمىنلەشكە كاپالەتلىك قىلىش قۇرۇلۇشى يەنە 90 مىليون يۈەن يەرلىك ھۆكۈمەت مەخسۇس تۈر زايومىنىڭ ياردىمىگە ئېرىشكەن.
ئىگىلىنىشىچە، بۇ تۈردە ئاساسلىقى ئونسۇ ناھىيەسىنىڭ تۇمشۇق بازىرى، كۆكيار بازىرىدا بىر تۆۋەن رېشاتكىلىق سۇ باشلاش تۈگۈنى، بىر تىندۇرۇش كۆلى، بىر سۇ تەڭشەش كۆلى ياسىلىدىكەن؛ 1.79 كىلومېتىر سۇ سىڭمەس ئۆستىڭى ۋە بىر سۇ سىڭمەسلەشتۈرۈش توسما تېمى يېڭىدىن ياسىلىدىكەن؛ 14.123 كىلومېتىر سۇ يەتكۈزۈش ئۆستىڭى يېڭىدىن ياسىلىپ، تۇرۇبا لىنىيەسى بويلىرىدا 144 قۇرۇلما يېڭىدىن ياسىلىدىكەن.
بۇ تۈر پۈتكەندىن كېيىن، كۆكيار 4 ـ قارارلىق كۆكەرتىش قۇرۇلۇشىنىڭ سۇغىرىش رايونلىرىغا سۇ كەمچىل بولۇش مەسىلىسى ئۈنۈملۈك ھەل قىلىنىپ، ئېكولوگىيەلىك مۇھىت يەنىمۇ ياخشىلىنىپ، قاقاسلىشىشنىڭ ئالدىنى ئېلىش دائىرىسى سىجىل كېڭەيتىلىپ، يەر ئاستى سۇ ئورنىنىڭ تۆۋەنلەش سۈرئىتى زور دەرىجىدە ئاستىلىتىلىدۇ. شۇنىڭ بىلەن بىرگە، 80 مىڭ مو سۇغىرىش رايونىدىكى يەرلەرنىڭ ھوسۇلى ئېشىش، كىرىمى ئېشىشقا سىجىل تۈرتكە بولۇنۇپ، سۇغىرىش رايونىدىكى ئاممىنىڭ ئىقتىسادىي كىرىمى ئېشىپ، يېزا ـ كەنتلەرنى ئومۇميۈزلۈك گۈللەندۈرۈشكە ياخشى ئاساس سېلىنىدۇ.
خەت ساندۇقى┊ بىز توغرىسىدا┊ ئېلان مۇلازىمىتى┊ بىز بىلەن ئالاقىلىشىڭ┊ ئىختىساسلىقلارنى قوبۇل قىلىش┊ ساقلاش┊ باش بەت قىلىش┊ ناچار ئۇچۇرلارنى پاش قىلىش