تاشقورغان تاجىك ئاپتونوم ناھىيەسى داتۇڭ يېزىسى ئاق تۆگە لەڭگەر كەنتىدىكى كۆچەتلىكتە، لى جاۋ (سولدا) بىلەن «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتىنىڭ ئەترەت باشلىقى يۈسۈپجان تۇرسۇن جىگدە كۆچىتىنى تولۇقلاپ تىكمەكتە (3-ئاينىڭ 25-كۈنى تارتىلغان). 

      تىيانشان تورى-شىنجاڭ گېزىتى خەۋىرى (مۇخبىر سەي زېڭلې فوتوسى، خەۋىرى) «ئېنىق ئاڭلىيالمىدىم، تاغدا سىگنال ياخشى ئەمەس، سەل تۇرۇپ سىزگە تېلېفون قايتۇراي». 4-ئاينىڭ 5-كۈنى، تېلېفوندا شامالنىڭ گۈرۈلدىگەن ئاۋازى قوشۇلۇپ ئاڭلىنىپ تۇراتتى، تاغدا يول چارلاۋاتقان لى جاۋ ئامالسىز تېلېفوننى قويۇۋەتتى.

 بىر ساياھەت ئاپتوبۇسى تاشقورغان تاجىك ئاپتونوم ناھىيەسى داتۇڭ يېزىسى ئاق تۆگە لەڭگەر كەنتى كوچىسىدىن ئۆتمەكتە (3-ئاينىڭ 25-كۈنى تارتىلغان سۈرەت).

      يېقىنقى يىللاردىن بۇيان، ئاپتونوم رايونلۇق ئادەم كۈچى بايلىقى ۋە ئىجتىمائىي كاپالەت نازارىتىنىڭ تاشقورغان تاجىك ئاپتونوم ناھىيەسى داتۇڭ يېزىسى ئاق تۆگە لەڭگەر كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ۋە كەنت «ئىككى كومىتېت» بەنزىسى بىر ياقىدىن باش چىقىرىپ، بىر نىيەتتە ئويلاپ، بىر مەقسەتتە كۈچ چىقىرىپ، كەسىپلەرنى تەرەققىي قىلدۇرۇش، ئىشقا ئورۇنلىشىشنى ئىلگىرى سۈرۈشنى ئاساسىي يول قىلىشتا چىڭ تۇرۇپ، نامراتلىقتىن قۇتۇلدۇرۇش نەتىجىلىرىنى مۇستەھكەملەپ، دىققەتنى يېزا-كەنتلەرنى گۈللەندۈرۈشكە مەركەزلەشتۈرۈپ، يۇرتداشلارغا پائال چىقىش يولى تېپىپ بەردى، بەخت ياراتتى.

 تاشقورغان تاجىك ئاپتونوم ناھىيەسى داتۇڭ يېزىسى ئاق تۆگە لەڭگەر كەنتىنىڭ بىر بۇرجىكى (3-ئاينىڭ 25-كۈنى تىزگىنەكلىك ئۇچقۇدا تارتىلغان سۈرەت).

      يەرنى تۈزلەپ، تۇپراقنى ياخشىلاشتىن سۇغىرىش، ئوغۇتلاش، ئىلمىي تېرىشقىچە؛ قوتان سېلىشتىن ئىلمىي باقمىچىلىققىچە؛ ئەتىيازلىق تېرىلغۇدىن يازلىق تېرىلغۇغىچە ھەممىلا يەردە «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتىنىڭ ئەزالىرى ۋە كەنت كادىرلىرىنىڭ سىماسىنى كۆرگىلى بولاتتى، ئۇلار تېرىقچىلىق، باقمىچىلىق تېخنىكىسى بويىچە تەربىيىلەشنى قانات يايدۇردى، قولمۇقول ئۆگەتتى، زېرىكمەي قايتا-قايتا چۈشەندۈردى. ھازىر، چارۋا باقمىچىلىقى دېھقان-چارۋىچىلارنىڭ كىرىمىنى مۇقىم ئاشۇرۇشتىكى مۇھىم كەسىپكە ئايلاندى، ئاشلىق، كۆكتات، جۇڭيى ئۆسۈملۈك دورىلىرىنى ئۆستۈرۈش قاتارلىقلارمۇ دېھقان-چارۋىچىلارنىڭ كىرىمىنى ئاشۇرۇشتىكى مۇھىم يولىغا ئايلاندى. «بۇلتۇر باقمىچىلىقتىن 80 مىڭ يۈەندىن ئارتۇق كىرىم قىلدۇق، بۇغداينى ئۆزىمىز يېگەندىن باشقا، يەنە 2400 يۈەنلىكتىن ئارتۇق بۇغداي ساتتۇق.» نامراتلىقتىن قۇتۇلغان ئائىلە سامساق ئىمىن سامەت مۇنداق دېدى: كۈنلىرىمىز كۈندىن-كۈنگە ياخشىلىنىۋاتىدۇ.

تاشقورغان تاجىك ئاپتونوم ناھىيەسى داتۇڭ يېزىسى ئاق تۆگە لەڭگەر كەنتىدە ئۆيلەرنىڭ ئالدى-كەينىدىكى ئۆرۈك چېچەكلىرى پورەكلەپ ئېچىلدى (3-ئاينىڭ 25-كۈنى تارتىلغان سۈرەت).

      باھار كۈنلىرىدە، باھار شامىلى كوئېنلون تېغى جىلغىسىنى بويلاپ ئاق تۆگە لەڭگەر كەنتىنى سىيپاپ ئۆتكەندە، كىشىلەرنىڭ چىرايىدا كۈلكە ۋە ئۈمىد جىلۋىلەندى، ئىللىق قۇياش نۇرى تاغ جىلغىسىغا چۈشتى، كەنت ئىچىدە گۈللەپ ياشنىغان مەنزىرە نامايان بولدى.