شېنجوۋ 15-نومۇرلۇق ئادەملىك ئالەم كېمىسىدىكى ئالەم ئۇچقۇچىلىرىنىڭ ئالتە ئايلىق ئالەم بوشلۇقى كاماندىروپكىسى ئاخىرلىشاي دەپ قالدى، مۇشۇ ئاينىڭ 10-كۈنى، تيەنجوۋ 6-نومۇرلۇق يۈك توشۇغۇچى ئالەم كېمىسى قويۇپ بېرىلدى ھەم ئالەم بوشلۇقى پونكىتىنىڭ بىرىكمە گەۋدىسى بىلەن تۇتاشتۇرۇلدى. جۇڭگو ئادەملىك ئالەم قاتنىشى ھۆكۈمەت تورىدا ئېلان قىلىنغان 2023-يىللىق ئادەملىك ئالەم قاتنىشى ۋەزىپىسىنىڭ ئاساسىي ئەھۋالىغا ئاساسلانغاندا، مۇشۇ ئايدا، شېنجوۋ 16-نومۇرلۇق ئادەملىك ئالەم كېمىسىمۇ قويۇپ بېرىلىدىكەن، شۇ چاغدا، شېنجوۋ 15-نومۇرلۇق ئادەملىك ئالەم كېمىسى ۋە شېنجوۋ 16-نومۇرلۇق ئادەملىك ئالەم كېمىسىنىڭ ئىككى ئۇچۇش گۇرۇپپىسىدىكى ئالتە ئالەم ئۇچقۇچىسى ئالەم بوشلۇقى پونكىتىدا ئۇچرىشىدىكەن، بۇ شۇنداقلا جۇڭگو ئالەم بوشلۇقى پونكىتىدىكى ئىككى ئۇچۇش گۇرۇپپىسىنىڭ ئىككىنچى قېتىم ئوربىتىدا ئالمىشىشى ھېسابلىنىدىكەن.

مەنبە: مەركىزىي تېلېۋىزىيە ئىستانسىسى ئاخبارات ئابۇنىچىلار تېرمىنالى

«ئانار بۇلۇت»تىن ئېلىپ تەرجىمە قىلىندى