شىنخۇا ئاگېنتلىقى، بېيجىڭ، 9 - ئاينىڭ 9 - كۈنى تېلېگراممىسى 9 - ئاينىڭ 9 - كۈنى، دۆلەت رەئىسى شى جىنپىڭ بىرازىلىيەنىڭ جەنۇبىدا ئېغىر قارا يامغۇر، كەلكۈن ئاپىتى يۈز بېرىپ، ئېغىر، زور دەرىجىدە ئادەم ئۆلۈش - يارىلىنىش كۆرۈلگەنلىكى مۇناسىۋىتى بىلەن بىرازىلىيە زۇڭتۇڭى لۇلاغا ھال سوراش تېلېگراممىسى ئەۋەتتى.

شى جىنپىڭ مۇنداق بىلدۈردى: بىرازىلىيەدىكى جەنۇبىي رىئوگراند ئىشتاتى قاتارلىق جايلاردا ئېغىر قارا يامغۇر، كەلكۈن ئاپىتى يۈز بېرىپ، ئېغىر، زور دەرىجىدە ئادەم ئۆلۈش - يارىلىنىش ۋە مال - مۈلۈك زىيىنى كۆرۈلگەنلىكىدىن خەۋەر تېپىپ چۆچۈدۈم، مەن جۇڭگو ھۆكۈمىتى ۋە جۇڭگو خەلقىگە ۋاكالىتەن بەختسىزلىككە ئۇچرىغانلارغا چوڭقۇر تەزىيە بىلدۈرىمەن، بەختسىزلىككە ئۇچرىغانلارنىڭ ئائىلە تەۋەلىرىدىن ۋە ئاپەت رايونىدىكى خەلقتىن سەمىمىي ھال سورايمەن، يارىلانغانلارنىڭ سالامەتلىكىنىڭ بالدۇرراق ئەسلىگە كېلىشىگە تىلەكداشلىق بىلدۈرىمەن. بىرازىلىيەدىكى ئاپەتكە ئۇچرىغان رايونلارنىڭ چوقۇم قىيىنچىلىقلارنى يېڭىپ، يۇرت - ماكانىنى قايتا قۇرۇپ چىقالايدىغانلىقىغا ئىشىنىمەن.