دەل ۋاقتىدا يەتكۈزۈش يالغان - ياۋىداق سۆز ماشىنىسى پومپېئو ئاخىر تارىخنىڭ ئەخلەت دۆۋىسىگە سۈپۈرۈپ تاشلىنىدۇ ئاپتونوم رايونلۇق 13- نۆۋەتلىك خەلق ھۆكۈمىتى 111- قېتىملىق دائىمىي يىغىن ئاچتى شىنجاڭ ئېلېكتىر ئېنېرگىيەسىنىڭ بازارلاشقان سودا كۆلىمىدە يېڭى رېكورت يارىتىلدى − پومپېئونىڭ يالغان - ياۋىداق سۆزلىرىنىڭ مۇقەررەر بەربات بولىدىغانلىقى توغرىسىدا سىياسىي قۇرۇلۇشنى كۈچەيتىپ، سىياسىي ئىقتىدارنى ئۆستۈرۈپ، خەلققە بولغان مېھىر - مۇھەببەتنى چىڭ ساقلاپ، شىنجاڭنىڭ مۇقىملىق، تەرەققىيات يېڭى ۋەزىيىتى ئارقىلىق پارتىيە قۇرۇلغانلىقىنىڭ 100 يىللىقىنى تەبرىكلەش كېرەك يېڭى دەۋردىكى ئارمىيەدىن چېكىنگەن ھەربىيلەر خىزمىتىنىڭ يۇقىرى سۈپەتلىك تەرەققىياتىغا تۈرتكە بولۇش كېرەك پومپېئو كۆزىنى پارقىرىتىپ تۇرۇپ يالغان سۆزلىدى شىنجاڭنىڭ رەقەملىك ئىقتىسادى بۇلتۇرقىدىن %10 ئېشىپ، ئىقتىساد ئومۇمىي مىقدارىدا %26نى ئىگىلىدى تىيانشان ئېتىكىدىكى قارلىق دالىدا تۇلپارلار چاپتى «چۈش كۆرۈۋېتىپمۇ خۇشاللىقتىن ئويغىنىپ كېتىمىز»

ئاقسۇ ئاخبارات تورى > مىللەتلەر ئىتتىپاقلىشىپ بىر ئائىلە كىشىلىرىدەك بولۇش

10 يىللىق ئوقۇشقا ياردەم بېرىش يولى، ئۆمۈرلۈك ياردەم بېرىش-يۆلەش مېھرى
تەھرىر:ئېزىز سامساق
مەنبە:تىيانشان تورىۋاقتى:2020-09-22 18:20:09

  شىنجاڭ گېزىتى خەۋىرى(پۈتۈن تاراتقۇ مۇخبىرى جېڭ جو): «گاۋ ئاكا، مېنىڭ مەكتەپكە قايتىشىمغا ئاز قالدى، مەندىن غەم قىلمىسىڭىزمۇ بولىدۇ.» 8-ئاينىڭ 27-كۈنى، خانقىز ئابلا جىنەن داشۆگە مېڭىشتىن بۇرۇن، ئۈرۈمچى شەھەرلىك جامائەت خەۋپسىزلىكى ئىدارىسى شىمىگۇ رايونلۇق شۆبە ئىدارىسى جېنئەن كوچىسى ساقچىخانىسىنىڭ ساقچىسى گاۋ فېيغا ئالاھىتەن تېلېفون قىلدى.

  «سىڭلىم، يولدا ئېھتىيات قىلىڭ، بۇ يىللىق ئوقۇش پۇلى قانچىكەن؟» دەپ سورىدى گاۋ فېي سۈرۈشتۈرۈپ، خانقىز تېلېفوندا ئۇنىڭغا ئوقۇش پۇلىنىڭ ھەل بولغانلىقىنى ئېيتتى.

  گاۋ فېي سىڭلىسىنىڭ جاۋابىغا ئىشەنمىدى. «ئۇ ھەر قېتىم ئوقۇش پۇلى ھەل بولدى دەيدۇ، ئەمەلىيەتتە ئۇنداق ئەمەس. ئۇ ئىزچىل ئىشلەپ پۇل تاپىدۇ، مېنىڭ يۈكۈمنى ئېغىرلىتىشنى خالىمايدۇ» دېدى گاۋ فېي تېلېفوننى قويۇپ.

  بۇ يىل 46 ياشقا كىرگەن گاۋ فېي 18 يىللىق ساقچى، ئۇ شىمىگۇ رايونلۇق شۆبە ئىدارىدە نامى چىققان «پىخسىق» ھېسابلىنىدۇ. يىل بويى ئۆزىگە بىرەر قۇر يېڭى كىيىم ئېلىشقا كۆزى قىيمايدۇ، ئۆيىدە ياكى ئىدارىنىڭ ئاشخانىسىدا تاماق يېيىش ئىمكانىيىتى بولسىلا، ھەرگىز سىرتتىكى ئاشخانىدىن تاماق يېمەيدۇ. شۇنداق بولسىمۇ، ئۇنىڭ مائاش كارتىسىدا تۈزۈك پۇل تۇرمايدۇ. يېقىنقى 10 يىلدا، ئۇ ئۈچ بالىنىڭ مەكتەپتە ئوقۇشىغا ياردەم بەردى.

  خانقىزدىن باشقا، تېكەس ناھىيەسىدىكى ئاقبوتا سېرىك ئاچا-سىڭىللارمۇ گاۋ فېينىڭ ياردىمىدە ئوقۇشىنى تاماملىغان، ئۇلارنىڭ گاۋ فېي بىلەن بولغان مېھىرى چوڭقۇر.

  بۇ بىر نەچچە بالىغا ياردەم بېرىش ئىشىنى 2010-يىلىدىن باشلاپ سۆزلەشكە توغرا كېلىدۇ. ئۇ چاغدا، گاۋ فېي خىزمەت جەريانىدا ئالىي تېخنىكومدا ئوقۇيدىغان ئاقبوتا بىلەن تونۇشۇپ قالدى، ئاقبوتا پۇتۇڭخۇا، قازاقچە، ئۇيغۇرچىنى ناھايىتى ياخشى سۆزلىگەچكە، گاۋفېينىڭ خىزمىتىگە بولغان ياردىمى ناھايىتى چوڭ بولدى. ئۇچرىشىش ئارقىلىق، گاۋ فېي ئاقبوتانىڭ ئاپىسى، سىڭلىسى بىلەن بىللە تۇرمۇش كەچۈرىدىغانلىقىنى، ئاپىسىنىڭ 2000 يۈەندىن ئارتۇق مائاش بىلەن ئىككى بالىنى مەكتەپتە ئوقۇتىدىغانلىقىنى، تۇرمۇشىنىڭ بىر قەدەر قىيىنچىلىق ئىچىدە ئىكەنلىكىنى بىلدى.

  بۇ ئىشتىن خەۋەر تاپقاندىن كېيىن، گاۋ فېي ئاقبوتانىڭ بارلىق ئوقۇش پۇلىنى تەشەببۇسكارلىق بىلەن ئۈستىگە ئالدى. 2015-يىلى، ئاقبوتانىڭ سىڭلىسى مېھراي سېرىك خېيلۇڭجياڭدىكى بىر داشۆگە ئۆتتى. لېكىن بىر يىلدىكى 6500 يۈەن ئوقۇش پۇلى بۇ ئائىلىنىڭ بېشىنى قاتۇردى.

  «قورقماڭلار، خاتىرجەم ئوقۇڭلار، ئوقۇش پۇلىنىڭ ئىشىدىن غەم قىلماڭلار.» گاۋ فېي تېلېفوندا ئاقبوتاغا تەسەللى بېرىپ، سىڭلىسىنىڭ داشۆدە ئوقۇش خىراجىتىنىڭ ھەممىسىنى ئۆز ئۈستىگە ئالىدىغانلىقىنى ئېيتتى.

  ئەمەلىيەتتە بۇ «ھەممىنى ئۆز ئۈستىگە ئېلىش» ئاسان ئەمەس ئىدى. داشۆنىڭ بىر يىللىق ئوقۇش پۇلى، تۇرمۇش پۇلىنى ھېسابلىغاندا 20 مىڭ يۈەنگە يېقىن بولاتتى. ئادەتتە ئاقبوتانىڭ ئاپىسى ئاغرىپ قالسىمۇ خىراجىتىگە گاۋ فېي يەنە كۈچ چىقىراتتى.

  گاۋ فېي ئادەتتە تۇرمۇشتا تېجەشلىك ئىدى، لېكىن باشقىلارغا ياردەم بېرىشتە ئەزەلدىن پىخسىقلىق قىلمايتتى.

  2013-يىلى، گاۋ فېي يەنە ئۈرۈمچى شەھىرى مىدۇڭ رايونىدىكى ئائىلىسى نامرات ئوقۇغۇچى خانقىز ئابلانىڭ ئوقۇشىغا ئۈن-تىنسىز ياردەم بەردى. خانقىزنىڭ دادىسى ئاشخانىدا ئىشلەيتتى، ئاپىسىنىڭ مۇقىم خىزمىتى يوق بولۇپ، ئۆيدە ئۈچ بالا بار ئىدى، خانقىز بالىلارنىڭ ئەڭ كىچىكى ئىدى. گاۋ فېي دائىم 300-200 يۈەن تۇرمۇش پۇلىنى ۋېيشىن ئارقىلىق خانقىزغا يەتكۈزۈپ بېرەتتى.

  خانقىز ئۆگىنىشتە ناھايىتى تىرىشچان بولۇپ، 2017-يىلى جىنەن داشۆگە ئۆتتى. مېھرايغا كۈچ چىقارغاندەك، گاۋ فېي كۈچىنىڭ يېتىشىچە خانقىزنىڭ داشۆنى پۈتكۈزۈشىگە ئىزچىل ياردەم بېرىدىغان بولدى.

  ئۈچەيلەنمۇ بۇ «ئاكا»سىنى ئايىدى، ھەر قېتىم گاۋ فېي ۋېيشىندا ئەۋەتىپ بەرگەن پۇلنى تەشەببۇسكارلىق بىلەن قوبۇل قىلمايتتى، گاۋ فېي قايتا-قايتا سۈيلىگەندىلا، ئاندىن قوبۇل قىلاتتى. «ئاكا»سىنىڭ يۈكىنى يېنىكلىتىشىگە ياردەم بېرىش ئۈچۈن، ئۇلار بىر تەرەپتىن ئوقۇپ، بىر تەرەپتىن ئىشلەيتتى، «ئاكامغىمۇ بەك تەس، بىزنىڭ تۇرمۇش پۇلىمىز ۋە ئوقۇش پۇلىمىزنى ئۆز ئۈستىگە ئالدى، ئۆزىمىز ھەل قىلالىغۇدەك بولسىلا، ھەرگىز ئۇنىڭغا جاپا سالمايمىز» دېدى مېھراي.

  شۇنداق قىلىپ، گاۋ فېي بۇ ئىككى ئائىلىدىكىلەر بىلەن بىر ئائىلە كىشىلىرىدىن بولۇپ قالدى.

  2019-يىلى روزا ھېيتتىن بۇرۇن، خانقىزنىڭ ئاپىسى بېلىقىز تاھىر مىچۇەندىن بىر قوينى ۋېلىسپىتقا ئارتىپ، گاۋفېيغا سوۋغا قىلىش ئۈچۈن ئەكەلدى. گاۋ فېينىڭ رەت قىلغانلىقىنى كۆرۈپ، بېلىقىز ئوڭايسىزلىنىپ يۈزلىرى قىزىرىپ كەتتى، ئاخىرىدا، گاۋ فېي بۇ ۋەزنى ئېغىر سوۋغاتنى تەستە قوبۇل قىلدى.

  بەزىلەر ھەر قېتىم گاۋ فېينىڭ بۇنداق قىلىشىنىڭ زادى نېمە ئۈچۈن ئىكەنلىكىنى سورىغاندا، «مەن ھېچقانداق جاۋاب تەلەپ قىلمايمەن، پەقەت ئۇلارنىڭ ياخشى ئوقۇشىنى، كەلگۈسىدە ياراملىق بولۇشىنى ئۈمىد قىلىمەن» دەيدۇ.

  «مەن ياشانغاندا، مەندەك ئاكاڭلارنى ئۇنتۇپ قالارسىلەرمۇ؟» بەزىدە گاۋ فېي ئاقبوتا، خانقىزلاردىن چاقچاق ئارىلاش شۇنداق سورايتتى. بۇ ۋاقىتتا، ئۇلار بىردەك «سىزدەك ئاكىمىزنىڭ بولغانلىقى بىزنىڭ ئۆمۈرلۈك بەختىمىز. سىز ياشانغاندا، ھالىڭىزدىن بىز خەۋەر ئالىمىز!» دەپ جاۋاب بېرەتتى.


مەسئۇل مۇھەررىر:گۈلگىنە مەمەت
تەكشۈرگۈچى:مۇختار ئابدۇقادىر

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش