دەل ۋاقتىدا يەتكۈزۈش ئاپتونوم رايونىمىزنىڭ كۆلەمدىن يۇقىرى سانائەتنىڭ قوشۇلما قىممىتى بۇلتۇرقى ئوخشاش مەزگىلدىكىدىن %7.6 ئاشتى شىنجاڭلىق ئوغلانلار گۇاڭشىدا ئوت ئىچىدىن ئادەم قۇتقۇزدى بۇ نۆۋەتلىك جۇڭگو − ئاسىيا ـ ياۋروپا كۆرگەزمىسىدە تۇنجى قېتىم ئاساسلىق مېھمان ئۆلكە تەسىس قىلىندى ۋىلايەت «پارتىيە 20 ـ قۇرۇلتىيىنى خۇشال ـ خۇرام كۈتۈۋېلىش، ئونمىڭ ۋەكىل ئونمىڭ ئائىلىگە كىرىش» باش تېمىلىق ئەمەلىيەت پائالىيىتى بويىچە مەركەزلىك سەييارە لېكسىيە سۆزلەش پائالىيىتىنى قانات يايدۇردى ۋىلايىتىمىزدىكى تۆت كەنت 3 ـ تۈركۈمدىكى ئاپتونوم رايون بويىچە يېزا ـ كەنت ساياھىتىدىكى نۇقتىلىق كەنت، بازار تىزىملىكىگە كىرگۈزۈلدى ئالدىنقى يېرىم يىلدا بىڭتۇەننىڭ ئىشلەپچىقىرىش ئومۇمىي قىممىتى بۇلتۇرقى ئوخشاش مەزگىلدىكىدىن %4.8 ئاشتى «شىنجاڭ ياخشى ھەمراھ» جۇڭگو شىنجاڭ ئۇيغۇر ئاپتونوم رايونى − رۇسىيە ئالتاي چېگرا رايونى دوستلۇق - ھەمكارلىق سۆھبەت يىغىنى ئۆتكۈزۈلدى شىنجاڭ بانكا كەسپى كارخانىلارغا ياردەم بېرىپ قىيىنچىلىقتىن قۇتقۇزۇش سالمىقىنى سىجىل زورايتتى 45 دۆلەت ۋە رايون بۇ نۆۋەتلىك جۇڭگو − ئاسىيا - ياۋروپا كۆرگەزمىسىگە قاتنىشىدۇ پۈتۈن ئاپتونوم رايوندىكى دۆلەت كارخانىلىرى ئىشلەپچىقىرىش، تىجارەتتە «يېرىم يىللىق ئىشنى غەلىبىلىك ئورۇنداش»نى ئىشقا ئاشۇردى

ئاقسۇ ئاخبارات تورى > تەنتەربىيە

​توختاربېك 16 كۈچلۈك ماھىر قاتارىغا كىردى
مۇھەررىر:ئېزىز سامساق
مەنبە:تىيانشان تورىۋاقتى:2021-07-29 12:31:15

5:0 نەتىجە بىلەن ھىندىستانلىق ماھىرنى يېڭىپ

توختاربېك 16 كۈچلۈك ماھىر قاتارىغا كىردى

□ئانار بۇلۇت\شىنجاڭ گېزىتى مۇخبىرى خۇاڭ شىڭ

7 - ئاينىڭ 26 - كۈنى، دۇڭجىڭ ئولىمپىك تەنھەرىكەت مۇسابىقىسىنىڭ بوكس مۇسابىقە مەيدانىدىن خۇش خەۋەر كەلدى: جۇڭگو بوكس كوماندىسىنىڭ ماھىرى توختاربېك تاڭلاتقان 5:0 نەتىجە بىلەن ھىندىستانلىق ماھىرنى يېڭىپ، ئەرلەر 75 كىلوگىراملىقلار دەرىجىسى بويىچە 16 كۈچلۈك ماھىر قاتارىغا كىردى.

«گەرچە بۇ ئۇنىڭ ئولىمپىك تەنھەرىكەت مۇسابىقىسىدىكى 1 - مەيدان مۇسابىقىسى بولسىمۇ، لېكىن ئۇ ناھايىتى سالماق، كاللىسى ئوچۇق ھالدا مۇسابىقىلىشىپ، تىرېنېر ئورۇنلاشتۇرغان ۋەزىپىنى ناھايىتى ياخشى تاماملىدى» دېدى دۆلەت بوكس كوماندىسىنىڭ تىرېنېرى، شىنجاڭ بوكس كوماندىسىنىڭ باش تىرېنېرى ئابدۇشۈكۈر مىجىت مۇسابىقىدىن كېيىن مۇخبىرغا.

توختاربېك بىلەن ھىندىستانلىق ماھىرنىڭ ئىككىلىسى ئاسىيا رايونى ئولىمپىك تەنھەرىكەت مۇسابىقىسىنىڭ ئالدىن تاللاش مۇسابىقىسىدە 3 - لىككە ئېرىشكەن. ئىككى تەرەپ ئىلگىرى ئىككى مەيدان تۇتۇشۇپ، ھەر قايسىسى بىر مەيداندىن غەلىبە قىلغان.

«مېنىڭ ئۆزۈمگە قويغان تەلىپىم: ھەركۈنى تۈنۈگۈنكى ئۆزۈمدىن ياخشىراق بولۇش. مەن ھازىر ئۆزۈمنىڭ بۇلتۇرقىدىن تېخىمۇ كۈچلەنگەنلىكىمنى ھېس قىلىۋاتىمەن» دېگەنىدى توختاربېك مۇسابىقىگە تەييارلىق قىلىۋاتقان مەزگىلدە تولۇپ تاشقان ئىشەنچ بىلەن.

2000 - يىلىدىكى سېدنىي ئولىمپىك تەنھەرىكەت مۇسابىقىسىدە، شىنجاڭنىڭ 75 كىلوگىراملىقلار دەرىجىسى بويىچە بوكس تەنھەرىكەتچىسى ئابدۇراخمان ئابلىكىم جۇڭگو كوماندىسىغا ۋاكالىتەن مۇسابىقىگە قاتنىشىپ، شىنجاڭدىن ئولىمپىك تەنھەرىكەت مۇسابىقە مەيدانىغا يۈزلەنگەن تۇنجى بوكس تەنھەرىكەتچىسىگە ئايلانغان. 21 يىلدىن كېيىن، ئوخشاشلا ئولىمپىك تەنھەرىكەت مۇسابىقىسىنىڭ 75 كىلوگىراملىقلار دەرىجىسى بويىچە بوكس مۇسابىقىسىدە، بويى تېخىمۇ ئېگىز، بەستلىك كەلگەن ئالتايلىق يىگىت توختاربېك 5:0 نەتىجە بىلەن مۇسابىقىدە تېزلا يەڭدى.

توختاربېكنىڭ كېيىنكى رەقىبى بىرازىلىيەلىك ماھىر بولۇپ، مۇسابىقە 7 - ئاينىڭ 29 - كۈنى سائەت 16دە ئېلىپ بېرىلىدۇ.


مەسئۇل مۇھەررىر:زۆھرەگۈل مەھەممەت
تەكشۈرۈپ بېكىتكۈچى:گۈلباھار مەمەت

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش