1-ئاينىڭ 27-كۈنى، «ھاياتىي كۈچكە تولغان شىنجاڭ، يېڭى دەۋردە جاسارەت بىلەن ئالغا ئىلگىرىلەش قايناق ھېسسىياتقا تولغان قار-مۇز، يېڭى مۇساپىگە ئاتلىنىش» تېمىسىدىكى ئاقسۇ ۋىلايىتىنىڭ تۇنجى نۆۋەتلىك ياشلار، ئۆسمۈرلەر قار-مۇز قىشلىق لاگېرى تىيانشان تۆمۈر مەنزىرە رايونى . تاغلاق كەنتىدە باشلاندى.
بۇ قېتىمقى پائالىيەتنى ئاقسۇ ۋىلايەتلىك مەدەنىيەت-تەنتەربىيە-رادىيو-تېلېۋىزىيە ۋە ساياھەت ئىدارىسى مەسئۇل بولۇپ ئۆتكۈزگەن بولۇپ، «قار-مۇزنى ھېس قىلىش، قار-مۇزدىن بەھرىلىنىش» باش تېما قىلىنغان، يەتتە كۈن داۋاملىشىدىغان بۇ پائالىيەت قار تېيىلىش ۋە مۇز تېيىلىشتىن ئىبارەت ئىككى گۇرۇپپىغا بۆلۈنگەن، 86 ياش-ئۆسمۈر قاتناشتى.
شۇ كۈنى، تىيانشان تۆمۈر مەنزىرە رايونى . تاغلاق كەنتىدىكى قار تېيىلىش مەيدانىدا، تىرېنېر قار تېيىلىش، مۇز تېيىلىشتا دىققەت قىلىدىغان ئىشلارنى تەپسىلىي چۈشەندۈردى ھەم قار تېيىلىش ھەرىكىتىنى يېشىپ چۈشەندۈرۈپ، تېيىلىشتىكى بەدەن قىياپىتى، ئورنىدا زوڭزىيىپ ئولتۇرۇش قاتارلىق ئاساسىي ھەرىكەتلەردىن ئۈلگە كۆرسىتىپ، كۇرسانتلارغا ھەرىكەتنىڭ مۇھىم نۇقتىلىرىنى ئۆگەتتى.
كۇرسانتلار قار تېيىلىشنى ھېس قىلماقتا.
«مەن قار تېيىلىش سايمانلىرى بىلەن تونۇشۇپ، قار تېيىلىش تاختىسىنى توغرا تۇتۇش، توغرا كىيىش، توغرا سېلىش قاتارلىق قار تېيىلىش ساۋاتلىرىنى ئىگىلىدىم. باشقۇرۇشقا بويسۇنۇپ، جاپاغا چىداپ مەشىق قىلىپ، قىشلىق لاگېردا قار تېيىلىش ماھارىتىنى ئىگىلەشكە تىرىشىمەن» دېدى ئاۋات ناھىيەسىدىن كەلگەن كۇرسانت شەھىدە مۇسا.
كۇرسانتلار قار تېيىلىشنى ھېس قىلماقتا.
ئاقسۇ ۋىلايەتلىك مەدەنىيەت-تەنتەربىيە-رادىيو-تېلېۋىزىيە ۋە ساياھەت ئىدارىسى پارتىيە گۇرۇپپىسىنىڭ ئەزاسى، ئاقسۇ ۋىلايەتلىك جەمئىيەت تەنتەربىيە يېتەكچىلىرى مەركىزى پارتىيە ياچېيكىسىنىڭ شۇجىسى ۋاڭ يۈ مۇنداق دېدى: «بىز ئالتايدىن ئىككى نەپەر كەسپىي قار-مۇز تەنھەرىكىتى تىرېنېرىنى كۇرسانتلارغا دەرس ئۆتۈشكە ئالاھىدە تەكلىپ قىلىپ، ياشلار، ئۆسمۈرلەردە كۈچلۈك ئىرادە ۋە پەزىلەت يېتىلدۈرۈپ، قار-مۇز تەنھەرىكىتىنى ئومۇملاشتۇرۇشنى كۈچەپ ئالغا سىلجىتىپ، زاپاس ئىختىساسلىقلارنى تەربىيەلەش يوللىرىنى كېڭەيتىپ، ياشلار، ئۆسمۈرلەرنى قار-مۇز ئېلىپ كەلگەن خۇشاللىقنى ھېس قىلىش ئىمكانىيىتىگە ئىگە قىلدۇق.» (ئىختىيارىي مۇخبىرلار لۇ شۆتىڭ، جۇ يۈنيۈن)
«ئانار بۇلۇت»تىن ئېلىپ تەرجىمە قىلىندى