«بىزنىڭ كۈزلۈك چىلانلىرىمىزنى كۆرۈپ بېقىڭ، ئۇنىڭ دانىسى چوڭ، پوستى نېپىز بولۇپلا قالماي، يەنە چۈرۈك ھەم تاتلىق! كۆپچىلىك ياخشىمۇسىلەر! مەن <جۇڭگو چىلان ماكانى>دىن كۆپچىلىككە سالام بېرىۋاتىمەن...» 9- ئاينىڭ 19- كۈنى، چاقىلىق ناھىيەسىنىڭ تىكەنلىك بازىرى قورغان كەنتىدىكى تېرىقچى ئائىلە چى شۇكۇەننىڭ كۈزلۈك چىلانلىقىدا، يۇمىلاق، تولۇق، ئاچ قىزىل كۈزلۈك چىلانلار شاخلارنى ئېگىۋەتكەن بولۇپ، ئىشچىلار ئالدىراش چىلان ئۈزۈۋاتاتتى، تېرىقچى ئائىلە چى شۇكۇەنمۇ كەڭ تورداشلارغا ئۆز ئائىلىسىنىڭ كۈزلۈك چىلانلىرىنى تونۇشتۇرۇۋاتاتتى.

     چاقىلىق ناھىيەسى تەكلىماكان قۇملۇقىنىڭ ئىچكىرىسىگە جايلاشقان، يورۇقلۇق، ئىسسىقلىق بايلىقى يېتەرلىك، كۈن نۇرىنىڭ چۈشۈش ۋاقتى ئۇزۇن، كېچە بىلەن كۈندۈزنىڭ تېمپېراتۇرا پەرقى چوڭ، قىروۋسىز مەزگىلى ئۇزۇن قاتارلىق كىلىمات شارائىتى چاقىلىق كۈزلۈك چىلىنىنىڭ پوستى نېپىز، ئېتى چۈرۈك، شىرنىلىك، تاتلىق، خۇش پۇراق بولۇشتەك ئەۋزەل سۈپىتىنى شەكىللەندۈرگەن، ئۇ ئىنتايىن يۇقىرى ئوزۇقلۇق قىممىتى ۋە ساقلىقنى ساقلاش رولىغا ئىگە، ئادەم بەدىنىگە زۆرۈر 18 خىل ئامىنو كىسلاتاسى ۋە كۆپ خىل ۋىتامىن مول بولۇپ، «تىرىك ۋىتامىن كۇمىلىچى» ۋە «مېۋىلەر شاھى» دەپ تەرىپلىنىدۇ، كەڭ ئىستېمالچىلارنىڭ ياقتۇرۇشىغا ئېرىشكەن، ساياھەتچىلەر تېخى ئۆزلىرى كېلىپ ئۈزۈش خۇشاللىقىنى ھېس قىلىدۇ.