شىنخۇا ئاگېنتلىقى، بېيجىڭ، 9 - ئاينىڭ 6 - كۈنى تېلېگراممىسى 9 - ئاينىڭ 6 - كۈنى، دۆلەت رەئىسى شى جىنپىڭ 32 - نۆۋەتلىك خەلقئارا ئاۋىياتسىيە ئىلىم - پەن يىغىنىغا تەبرىك خېتى ئەۋەتتى.
شى جىنپىڭ مۇنۇلارنى كۆرسەتتى: ئاۋىياتسىيە پەن - تېخنىكىسى 20 - ئەسىردىن بۇيانقى تەرەققىياتى ئەڭ تېز، ئىنسانلارنىڭ ئىشلەپچىقىرىش، تۇرمۇشىغا كۆرسىتىدىغان تەسىرى ئەڭ چوڭ پەن - تېخنىكا ساھەلىرىنىڭ بىرى. بۈگۈنكى دۇنيا چوڭقۇر پەن - تېخنىكا ئىنقىلابى ۋە كەسىپ ئۆزگىرىشىنى باشتىن كەچۈرمەكتە، ئاۋىياتسىيە پەن - تېخنىكىسى مىسلىسىز تەرەققىيات پۇرسىتىگە دۇچ كەلدى، يەر شارىۋى ئاۋىياتسىيە پەن - تېخنىكىسى ھەمكارلىقىنى قانات يايدۇرۇش ئىنتايىن زۆرۈر، زور ئىستىقبالغا ئىگە. بۇ نۆۋەتلىك يىغىننىڭ يەر شارىۋى ئاۋىياتسىيە پەن - تېخنىكىسى ھەمكارلىقىنى ئىلگىرى سۈرۈشتە پائال رولىنى جارى قىلدۇرۇپ، دۇنيادىكى ھەرقايسى دۆلەت خەلقلىرىگە تېخىمۇ كۆپ بەخت - سائادەت ئېلىپ كېلىشىنى ئۈمىد قىلىمەن.
32 - نۆۋەتلىك خەلقئارا ئاۋىياتسىيە ئىلىم - پەن يىغىنى شۇ كۈنى شاڭخەيدە ئۆتكۈزۈلدى، يىغىننى خەلقئارا ئاۋىياتسىيە ئىلىم - پەن كېڭىشى مەسئۇل بولۇپ ئۆتكۈزدى، جۇڭگو ئاۋىياتسىيە ئىلمىي جەمئىيىتى ئۆتكۈزۈشنى ئۈستىگە ئالدى.
خەت ساندۇقى┊ بىز توغرىسىدا┊ ئېلان مۇلازىمىتى┊ بىز بىلەن ئالاقىلىشىڭ┊ ئىختىساسلىقلارنى قوبۇل قىلىش┊ ساقلاش┊ باش بەت قىلىش┊ ناچار ئۇچۇرلارنى پاش قىلىش