ئانار بۇلۇت\شىنجاڭ گېزىتى خەۋىرى تارباغاتاي ۋىلايەتلىك يۇقۇمنىڭ ئالدىنى ئېلىش- تىزگىنلەش خىزمىتى قوماندانلىق ئىشتابىنىڭ ئەڭ يېڭى ئومۇمىي ئۇقتۇرۇشى: 10- ئاينىڭ 17- كۈنى سائەت 0دىن 24كىچە، تارباغاتاي ۋىلايىتىنىڭ شىخو شەھىرىدە كېسەللىك ئالامىتى كۆرۈلمىگەن يۇقۇملانغۇچىدىن 6سى يېڭىدىن كۆپەيدى، مەركەزلىك ئايرىپ تېببىي كۆزىتىش نۇقتىسى ۋە خەۋپ- خەتەر دەرىجىسى يۇقىرى رايونلاردا خېسۇەن تاسقاپ تەكشۈرۈشتە بايقالغان، مۇتەخەسسىسلەرنىڭ باھالىشى بىلەن كېسەللىك ئالامىتى كۆرۈلمىگەن يۇقۇملانغۇچى دەپ دىياگنوز قويۇلدى، بەلگىلەنگەن فاڭساڭ دوختۇرخانىسىغا يېپىق ھالقىسىمان يۆتكەپ توشۇپ ئاپىرىلىپ، ئايرىپ تېببىي كۆزىتىلىۋاتىدۇ. ئېنىق دىياگنوز قويۇلغان ئاغرىق مىسالىدىن 2سى ساقىيىپ دوختۇرخانىدىن چىقتى، كېسەللىك ئالامىتى كۆرۈلمىگەن يۇقۇملانغۇچىدىن 14ىنى مەركەزلىك ئايرىپ تېببىي كۆزىتىش بىكار قىلىندى.
نۆۋەتتە، تارقىلىشچان كېسەللىك ئىلمى بويىچە مەنبەدىن تەكشۈرۈش، باشقۇرۇش- تىزگىنلەشنى جايىدا ئەمەلىيلەشتۈرۈش ۋە يېقىندىن ئۇچراشقۇچىلارنى ئىز قوغلاپ رەتكە تۇرغۇزۇپ تەكشۈرۈش قاتارلىق ئالدىنى ئېلىش- تىزگىنلەش خىزمىتى ئومۇميۈزلۈك قانات يايدۇرۇلدى، مۇناسىۋەتلىك سورۇنلارنى باشقۇرۇش- تىزگىنلەش ۋە مۇھىتنى دېزىنفېكسىيەلەپ مىكروب ئۆلتۈرۈش قاتارلىق يۇقۇمنىڭ ئالدىنى ئېلىش تەدبىرلىرى تەرتىپلىك ئىلگىرى سۈرۈلمەكتە.