10-ئاينىڭ 11-كۈنى سائەت 8دىن 14 مىنۇت ئۆتكەندە، ئۈرۈمچىدە ھاۋا تۇتۇق بولۇپ، كۈز ئېيىنىڭ بارغانسېرى چوڭقۇرلىشىشىغا ئەگىشىپ، جەنۇبىي باغچىدىكى دەرەخ يوپۇرماقلىرى تەدرىجىي سارغىيىشقا باشلىدى.

ئانار بۇلۇت\شىنجاڭ گېزىتى مۇخبىرى ياڭ ۋېي فوتوسى

　　ئانار بۇلۇت\شىنجاڭ گېزىتى خەۋىرى (مۇخبىر يۈ مېڭفەن خەۋەر قىلىدۇ) 10-ئاينىڭ 11-كۈنى، مۇخبىرنىڭ شىنجاڭ مېتېئورولوگىيە ئىستانسىسىدىن ئىگىلىشىچە، بۈگۈن شىمالىي شىنجاڭنىڭ غەربىي قىسمى، ئالتاي ۋىلايىتىنىڭ شەرقىي قىسمى، تىيانشان تېغىنىڭ شىمالىي يانباغرى، تىيانشان تېغىنىڭ تاغلىق رايونلىرى، كوئېنلۇن تېغىنىڭ شىمالىي يانباغرى، بايىنغولىن موڭغۇل ئاپتونوم ئوبلاستىنىڭ شىمالىي قىسمى، شەرقىي شىنجاڭ قاتارلىق جايلارنىڭ قىسمەن جايلىرىدا سىم-سىم ياكى ئازراق يامغۇر ۋە ياكى قار ياغىدىكەن، بۇنىڭ ئىچىدە، بورتالا ئوبلاستىنىڭ تاغلىق رايونلىرى، شىخەنزە شەھىرىنىڭ جەنۇبىي قىسمىدىكى تاغلىق رايونلار، ئۈرۈمچى شەھىرىنىڭ جەنۇبىدىكى تاغلىق رايونلار، سانجى خۇيزۇ ئاپتونوم ئوبلاستىنىڭ تاغلىق رايونلىرى، بايىنغولىن ئوبلاستىنىڭ شىمالىدىكى تاغلىق رايونلار، كوئېنلۇن تېغىنىڭ شىمالىي يانباغرى قاتارلىق جايلارنىڭ قىسمەن جايلىرىدا ئوتتۇراھال ياكى قېلىن قار ياغىدىكەن، تاغلىق رايونلارنىڭ قىسمەن جايلىرىدا قاتتىق قار ياغىدىكەن؛ شىمالىي شىنجاڭنىڭ شىمالىي قىسمى، سانجى ئوبلاستىنىڭ شەرقىي قىسمى، شەرقىي شىنجاڭ قاتارلىق جايلارنىڭ قىسمەن جايلىرىدا 5 بالدىن 6 بالغىچە غەربىي شىمال ئۆتكۈنچى شامىلى چىقىدىكەن، شەرقىي شىنجاڭدىكى شامال ئېغىزلىرىدا 9 بال ئەتراپىدا بوران چىقىدىكەن؛ جەنۇبىي شىنجاڭدىكى تارىم ئويمانلىقىنىڭ ئوتتۇرا، شەرقىي قىسمىدا 5 بال ئەتراپىدا قىيپاش شەرق شامىلى چىقىدىكەن، 7 بال ئۆتكۈنچى بوران چىقىدىكەن ھەمدە ئوخشىمىغان دەرىجىدە چاڭ-توزانلىق ھاۋارايىمۇ تەڭ كۆرۈلىدىكەن.

　　ئۈرۈمچى شەھىرىدە ئازراق يامغۇر يېغىپ كېيىن ھاۋا بۇلۇتلىنىدۇ، تاغلىق رايونلاردا ئازراق قار ياغىدۇ، ئاساسلىق شەھەر رايونىدا ئەڭ يۇقىرى تېمپېراتۇرا 12 سېلسىيە گىرادۇس، ئەڭ تۆۋەن تېمپېراتۇرا 5 سېلسىيە گىرادۇس بولىدۇ، 4 بالدىن 5 بالغىچە غەربىي شىمال شامىلى چىقىدۇ.

　　شىمالىي شىنجاڭنىڭ كۆپ قىسىم تاشيول لىنىيە بويلىرىدا سىم-سىم ياكى ئازراق يامغۇر ۋە ياكى قار ياغىدۇ، بۇنىڭ ئىچىدە G218 لىنىيەسىنىڭ نىلقىدىن كۈنەسكىچە بولغان بۆلىكى، زالمۇتۇدىن بالغۇنتايغىچە بولغان بۆلىكى، G216 لىنىيەسىنىڭ ئۇلاستايدىن بالغۇنتايغىچە بولغان بۆلىكىدە ئوتتۇراھال ياكى قېلىن قار ياغىدۇ؛ 6 بال غەربىي شىمال شامىلىنىڭ تەسىرىگە ئۇچرايدىغان يول بۆلەكلىرى: G3015  لىنىيەسىنىڭ دۆربىلجىندىن تيېچاڭگوۋغىچە بولغان بۆلىكى،  S201 لىنىيەسىنىڭ  مايتاس شامال رايونى،  S221 لىنىيەسىنىڭ تولى لاۋفېڭكوۋ شامال ئېغىزى، S319 ۋە  S229 لىنىيەسىنىڭ ئالتاي ناۋخەي شامال رايونى يول بۆلىكى، G3014 لىنىيەسىنىڭ ئالتايدىن بۇرۇلتوقايغىچە بولغان بۆلىكى، قارامايدىن ئورقۇغىچە بولغان بۆلىكى، G217 لىنىيەسىنىڭ ئالتايدىن خېيشەنتوۋغىچە بولغان بۆلىكى، قارامايدىن ئورقۇغىچە بولغان بۆلىكى، G3015 لىنىيەسىنىڭ  دۆربىلجىندىن قارامايغىچە بولغان بۆلىكى،  G216 لىنىيەسىنىڭ كۆكتوقايدىن ۋۇسەيۋەنگىچە بولغان بۆلىكى؛ 9 بال غەربىي شىمال ئۆتكۈنچى بورىنىنىڭ تەسىرىگە ئۇچرايدىغان يول بۆلەكلىرى: G314 لىنىيەسىنىڭ توقسۇندىن كۈمۈشكىچە بولغان بۆلىكى، G30،  G312 لىنىيەسىنىڭ داۋانچىڭدىن داخېيەنگىچە بولغان بۆلىكى، چىقتىمدىن لياۋدۇنغىچە بولغان بۆلىكى.