ئاقسۇ ئاخبارات تورى > دەل ۋاقتىدا يەتكۈزۈش
ئاقسۇ شەھىرىنىڭ خەلق ھاۋا مۇداپىئە سىگنالىنى سىناق تەرىقىسىدە بېرىش توغرىسىدىكى ئومۇمىي ئۇقتۇرۇشى
«جۇڭخۇا خەلق جۇمھۇرىيىتىنىڭ خەلق ھاۋا مۇداپىئە قانۇنى» ۋە «شىنجاڭ ئۇيغۇر ئاپتونوم رايونىنىڭ خەلق ھاۋا مۇداپىئە سىگنالىنى سىناق تەرىقىسىدە بېرىش ۋاقىتلىق بەلگىلىمىسى»گە ئاساسەن، ئاممىنىڭ دۆلەت مۇداپىئەسى قارىشى ۋە خەلق ئاممىسىنىڭ ھاۋا مۇداپىئەسى ئېڭىنى يەنىمۇ كۈچەيتىش، شۇنداقلا ھاۋا مۇداپىئە سىگنالى ئۈسكۈنىلىرىنىڭ ئىقتىدارىنى تەكشۈرۈش ئۈچۈن، شىنجاڭ ئۇيغۇر ئاپتونوم رايونلۇق خەلق ھۆكۈمىتىنىڭ خەلق ھاۋا مۇداپىئە سىگنالىنى سىناق تەرىقىسىدە بېرىش تەلىپىگە ئاساسەن، ئاقسۇ شەھىرى 2022 - يىلى 9 - ئاينىڭ 18 - كۈنى سائەت 12:00دىن باشلاپ شەھەر رايونىدا ھاۋا مۇداپىئە سىگنالىنى بىرتۇتاش سىناق تەرىقىسىدە بېرىشنى بېكىتتى. ھازىر ئالاقىدار ئىشلارنى تۆۋەندىكىدەك ئومۇمىي ئۇقتۇرۇش قىلىمىز:
بىرىنچى، ھاۋا مۇداپىئە سىگنالىنى سىناق تەرىقىسىدە بېرىش ۋاقتى
2022 - يىلى 9 - ئاينىڭ 18 - كۈنى چۈشتىن بۇرۇن سائەت 12:00دىن سائەت 12:19غىچە (بېيجىڭ ۋاقتى).
ئىككىنچى، ھاۋا مۇداپىئە سىگنالىنى سىناق تەرىقىسىدە بېرىش دائىرىسى
ئاقسۇ شەھىرى رايونى
ئۈچىنچى، ھاۋا مۇداپىئە سىگنالىنى سىناق تەرىقىسىدە بېرىش تۈرى
ئالدىن سىگنال: 36 سېكۇنت بېرىلىپ، 24 سېكۇنت توختىتىلىدۇ، ئۈچ قېتىم تەكرارلاش بىر دەۋر قىلىنىدۇ (ۋاقتى ئۈچ مىنۇت)؛
ھاۋا ھۇجۇمى سىگنالى: ئالتە سېكۇنت بېرىلىپ، ئالتە سېكۇنت توختىتىلىدۇ، 15 قېتىم تەكرارلاش بىر دەۋر قىلىنىدۇ (ۋاقتى ئۈچ مىنۇت)؛
بىكار قىلىش سىگنالى: ئۇدا ئۈچ مىنۇت سىگنال بېرىلىدۇ. ھەربىر تۈردىكى سىگنالنىڭ ۋاقىت ئارىلىقى بەش مىنۇت بولىدۇ.
ھاۋا مۇداپىئە سىگنالىنى سىناق تەرىقىسىدە بېرىش مەزگىلىدە، كەڭ خەلق ئاممىسى نورمال روھىي ھالىتى، نورمال تۇرمۇش، ئىشلەپچىقىرىش ۋە خىزمەت تەرتىپىنى ساقلاپ، ھاۋا مۇداپىئە سىگنالىنى سىناق تەرىقىسىدە بېرىش خىزمىتىنىڭ تەرتىپلىك قانات يايدۇرۇلۇشىغا كاپالەتلىك قىلىش لازىم.
ئاقسۇ ۋىلايەتلىك تۇرالغۇ ۋە شەھەر ـ يېزا قۇرۇلۇشى ئىدارىسى (خەلق ھاۋا مۇداپىئە ئىشخانىسى)
2022 - يىلى 9 - ئاينىڭ 13 - كۈنى
خەت ساندۇقى┊ بىز توغرىسىدا┊ ئېلان مۇلازىمىتى┊ بىز بىلەن ئالاقىلىشىڭ┊ ئىختىساسلىقلارنى قوبۇل قىلىش┊ ساقلاش┊ باش بەت قىلىش┊ ناچار ئۇچۇرلارنى پاش قىلىش