دەل ۋاقتىدا يەتكۈزۈش ئالدىنقى تۆت ئايدا شىنجاڭ سودىگەر چاقىرىپ مەبلەغ جەلپ قىلىشتا نەقلەشتۈرگەن مەبلەغ 110 مىليارد يۈەندىن ئاشتى «مايتاغ ـ كۇچا تاشيولى 1 ـ بېكىتى» ساياھەتچىلەرنى يېڭىچە قىياپەتتە كۈتۈۋالدى 38 مىليون 50 مىڭ يۈەن ياردەم پۇل مەبلىغى ۋىلايىتىمىزنىڭ ئاممىۋى مەدەنىيەت مۇلازىمەت سىستېمىسى قۇرۇلۇشىغا كۈچ قوشتى «شىنجاڭدىكى ھەر مىللەت خەلق مۇقەررەر ھالدا تېخىمۇ بەختلىك، گۈزەل ئەتىنى كۈتۈۋالىدۇ» ۋىلايىتىمىزدە «پارتىيە 20 ـ قۇرۇلتىيىنى خۇشال كۈتۈۋېلىش، ئونمىڭلىغان ۋەكىل ئونمىڭلىغان ئائىلىگە كىرىش» باش تېمىلىق ئەمەلىيەت پائالىيىتى باشلاندى ئالدىنقى تۆت ئايدا ئاپتونوم رايون بويىچە جەمئىيەت ئىستېمال بۇيۇملىرىنىڭ پارچە سېتىلىش ئومۇمىي سوممىسى بۇلتۇرقى ئوخشاش مەزگىلدىكىدىن %4 ئاشتى 1 - ئايدىن 4 - ئايغىچە ئاپتونوم رايونىمىزنىڭ كۆلەمدىن يۇقىرى سانائەت قوشۇلما قىممىتى بۇلتۇرقى ئوخشاش مەزگىلدىكىدىن %7.4 ئاشتى ​پارتىيە مەركىزىي كومىتېتى، گوۋۇيۈەننىڭ كاربون قويۇپ بېرىشنى چوققا قىممەتكە يەتكۈزۈش، كاربوننى نېيتراللاشتۇرۇش خىزمىتىنى ياخشى ئىشلەش توغرىسىدىكى ئورۇنلاشتۇرما - تەلەپلىرى قاتارلىقلار يەتكۈزۈلدى، ئىزچىللاشتۇرۇلدى ئاپتونوم رايوننىڭ 2022 - يىللىق جەمئىيەتتىن ئاشكارا ئىمتىھان ئېلىپ مەمۇر قوبۇل قىلىش بويىچە يېزىقچە ئىمتىھان نەتىجىسى ئېلان قىلىندى ئالدىنقى تۆت ئايدا ئاپتونوم رايونىمىزنىڭ مۇقىم مۈلۈك سېلىنمىسى بۇلتۇرقى ئوخشاش مەزگىلدىكىدىن %16 ئاشتى

ئاقسۇ ئاخبارات تورى > دەل ۋاقتىدا يەتكۈزۈش

ئالدىنقى تۆت ئايدا شىنجاڭ سودىگەر چاقىرىپ مەبلەغ جەلپ قىلىشتا نەقلەشتۈرگەن مەبلەغ 110 مىليارد يۈەندىن ئاشتى
مۇھەررىر:رەيھانگۈل قاسىم
مەنبە:شىنجاڭ گېزىتىۋاقتى:2022-05-25 10:49:31

بۇلتۇرقى ئوخشاش مەزگىلدىكىدىن %27.29 ئاشتى

  ئانار بۇلۇت\شىنجاڭ گېزىتى مۇخبىرى خېي خۇڭۋېينىڭ ئاپتونوم رايونلۇق سودا نازارىتىدىن ئىگىلىشىچە، ئالدىنقى تۆت ئايدا، ئاپتونوم رايونىمىز ئەمەلىيلەشتۈرۈپ ئىجرا قىلغان سودىگەر چاقىرىپ مەبلەغ جەلپ قىلىش تۈرى 2367، رايون سىرتىدىن كىرگۈزۈپ نەقلەشتۈرگەن مەبلەغ 115 مىليارد 893 مىليون يۈەن بولۇپ، بۇلتۇرقى ئوخشاش مەزگىلدىكىدىن %27.29 ئاشقان.

  بۇ يىل كىرگەندىن بۇيان، پۈتۈن ئاپتونوم رايوندىكى ھەر دەرىجىلىك سودا ۋە سودىگەر چاقىرىش تارماقلىرى «ئالتىنى مۇقىملاشتۇرۇش» «ئالتىگە كاپالەتلىك قىلىش» خىزمىتىنى سىجىل ياخشى ئىشلەپ، ئىقتىسادنىڭ سىجىل، ساغلام تەرەققىياتىنى ئالغا سىلجىتىشنى ئاساسىي نىشان قىلىپ، نۇقتىدا تۇرۇپ سودىگەر چاقىرىش، كىچىك شۆبە ئەترەتلەر سودىگەر چاقىرىش، بۇلۇتتا سودىگەر چاقىرىش قاتارلىق پائالىيەتلەرنى پائال قانات يايدۇرۇپ، نۇقتىلىق كەسىپلەردە زەنجىرنى ئۇزارتىش، زەنجىرنى تولۇقلاش، زەنجىرنى كېڭەيتىش، زەنجىرنى كۈچەيتىشنى گەۋدىلەندۈرۈپ، سودىگەر چاقىرىپ مەبلەغ جەلپ قىلىشتا كۆرۈنەرلىك نەتىجىلەرنى قولغا كەلتۈردى. سانلىق مەلۇماتلاردا كۆرسىتىلىشىچە، 1 - ئايدىن 4 - ئايغىچە شىمالىي شىنجاڭ رايونىدا نەقلەشكەن مەبلەغ 65 مىليارد 154 مىليون يۈەن بولۇپ، بۇلتۇرقى ئوخشاش مەزگىلدىكىدىن %26.73 ئاشقان؛ جەنۇبىي شىنجاڭ رايونى (تۇرپان، قومۇلنى ئۆز ئىچىگە ئالىدۇ)دا نەقلەشكەن مەبلەغ 50 مىليارد 739 مىليون يۈەن بولۇپ، بۇلتۇرقى ئوخشاش مەزگىلدىكىدىن %28.03 ئاشقان.

  ھەرقايسى جايلار، ھەرقايسى تارماقلار بازارلاشقان ۋاسىتىلەردىن تولۇق پايدىلىنىپ، سودىگەر چاقىرىپ مەبلەغ جەلپ قىلىش تەدبىرىدە يېڭىلىق يارىتىپ، رەقەملىك ئىقتىسادنىڭ تەرەققىياتى ۋە رەقەملەشكەن ئىدارە قىلىش يۈزلىنىشىگە ئۇيغۇنلىشىپ، تور ۋە تور سىرتىنى بىرلەشتۈرۈشتە چىڭ تۇرۇپ، سودىگەر چاقىرىپ مەبلەغ جەلپ قىلىشنى ئۇچۇرلاشتۇرۇش، تورلاشتۇرۇش، ئەقلىي ئىقتىدارلاشتۇرۇش سەۋىيەسىنى ئۈزلۈكسىز ئۆستۈردى. مەبلەغ سېلىش مۇھىتىنى سىجىل ياخشىلاپ، شىنجاڭنىڭ كەسىپ قاتلىمىنىڭ تۆۋەن دەرىجىدىن يۇقىرى دەرىجىگە، ئېشىش ھەرىكەتلەندۈرگۈچ كۈچىنىڭ مۇھىم ئامىل ئارقىلىق تۈرتكە بولۇشتىن يېڭىلىق يارىتىش ئارقىلىق تۈرتكە بولۇشقا ئۆزگىرىشىنى ئالغا سىلجىتىپ، ئىقتىسادنىڭ يۇقىرى سۈپەتلىك تەرەققىياتىغا تۈرتكە بولدى.

  ئاپتونوم رايونلۇق سودا نازارىتىنىڭ مەسئۇلى مۇنداق بىلدۈردى: كېيىنكى قەدەمدە، كۆپ خىل تەدبىرنى تەڭ قوللىنىپ، تۈرلەرنى كېڭىشىش، كېلىشىم ئىمزالاش، ئەمەلىيلەشتۈرۈش سۈرئىتىنى سىجىل تېزلىتىمىز. شۇنىڭ بىلەن بىللە، سودىگەر چاقىرىپ مەبلەغ جەلپ قىلىش پىكىر يولى ۋە ئۇسۇلىدا ئۈزلۈكسىز يېڭىلىق يارىتىپ، شىنجاڭغا ياردەم بېرىۋاتقان ئۆلكە، بىۋاسىتە قاراشلىق شەھەرلەردە سودىگەر چاقىرىش، نۇقتىدا تۇرۇپ سودىگەر چاقىرىش، سودىگەرلەر ئارقىلىق سودىگەر چاقىرىشنى سىجىل قانات يايدۇرىمىز. شۇنىڭ بىلەن بىللە، كىرىش ئۆتكىلى، مۇھىت ئۆتكىلى، مەبلەغ سېلىش سىجىللىقى ئۆتكىلىنى چىڭ ئىگىلەپ، سودىگەر چاقىرىپ مەبلەغ جەلپ قىلىش تۈرلىرىنىڭ سۈپىتىنى ئومۇميۈزلۈك ئۆستۈرىمىز.

مەسئۇل مۇھەررىر:ئابلىكىم شەمشى
تەكشۈرۈپ بېكىتكۈچى:گۈلباھارمەمەت ،جاۋ پېڭ

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش