ئۈچىنچى باسقۇچتىكى بىخەتەرلىك، مەدەنىيەتلىك ساۋاتلىرى ئىمتىھانى

　　لاياقەتلىك بولغاندىن كېيىن C6 ھەيدەش رۇخسەت قىلىنغان ئاپتوموبىل تىپىدىكى ئاپتوموبىلنى ھەيدەش سالاھىيىتىنى كۆپەيتىشكە بولىدۇ.

　　ئىمتىھان بەرگۈچىلەرنىڭ ئىمتىھاندىن ئۆتۈش نىسبىتىنى ئۆستۈرۈش ئۈچۈن، ئىككىنچى باسقۇچلۇق ئىمتىھاندا لاياقەتلىك بولغاندىن كېيىن، تۇنجى قېتىمدا ئالدىن تىزىملاتمايلا ئۈچىنچى باسقۇچتىكى بىخەتەرلىك، مەدەنىيەتلىك ساۋاتلىرى ئىمتىھانىغا قاتنىشىشنى ئىلتىماس قىلسا بولىدۇ، ئەگەر ئىمتىھاندا لاياقەتلىك بولسا، شۇ كۈنىلا C6 ھەيدەش كېنىشكىسى ئالغىلى بولىدۇ.

　　ئىلتىماس قىلىش ئۇسۇلى:

　　كىچىك تىپتىكى ئاپتوموبىل (C1) ، كىچىك تىپتىكى ئاپتوماتىك خوتلۇق ئاپتوموبىل (C2)دىن يۇقىرى ھەيدەش رۇخسەت قىلىنغان ئاپتوموبىل تىپىنىڭ ھەيدەش كىنىشكىسى ئالغان ھەم بۇ نومۇر خاتىرىلەش دەۋرىدە ۋە ئىلتىماس قىلىشتىن بۇرۇنقى ئەڭ يېقىنقى بىر نومۇر خاتىرىلەش دەۋرىدە 12 نومۇر خاتىرىلەنمىگەنلەر، يېنىك تىپتىكى سۆرەلمە كوزۇب (C6) ھەيدەش كىنىشكىسىنى كۆپەيتىپ ئېلىشنى ئىلتىماس قىلسا بولىدۇ.

　　ئىلتىماس قىلىش يېشى:

　　C6 ھەيدەش كىنىشكىسىگە ئىلتىماس قىلغۇچىلار 20 ياشتىن يۇقىرى، 60 ياشتىن تۆۋەن بولۇشى كېرەك. 60 ياشتىن يۇقىرى، 70 ياشتىن تۆۋەن كىشىلەر ھەقىقەتەن يېنىك تىپتىكى سۆرەلمە كوزۇب ھەيدەش ئېھتىياجى بولسا، ئەستە تۇتۇش ئىقتىدارى، ھۆكۈم قىلىش ئىقتىدارى، ئىنكاس قايتۇرۇش ئىقتىدارى قاتارلىق ئىقتىدار سىنىقىدىن ئۆتكەندىن كېيىن C6 ھەيدەش كىنىشكىسىنى كۆپەيتىپ ئېلىشنى ئىلتىماس قىلسا بولىدۇ.

　　نۇقتىلىق ئەسكەرتىش:

　　ئەسلىدە A2 ھەيدەش كىنىشكىسى بار، 60 ياشقا توشۇش ياكى ئۆز ئىختىيارلىقى بىلەن دەرىجىسىنى تۆۋەنلىتىش سەۋەبلىك A2 ھەيدەش كىنىشكىسى تىزىملىكتىن ئۆچۈرۈلگەن، ھازىر يەنە يېنىك تىپتىكى سۆرەلمە كۇزۇب ھەيدەش ئېھتىياجى بارلارنىڭ ئىمتىھان بېرىشى ھاجەتسىز، ئاپتوموبىل باشقۇرۇش ئورنىغا C6 ھەيدەشكە رۇخسەت قىلىنىدىغان ئاپتوموبىل تىپىنى ھەيدەش سالاھىيىتىگە بىۋاستە ئىلتىماس قىلسا بولىدۇ.