دەل ۋاقتىدا يەتكۈزۈش بۈگۈن (9-ئاينىڭ 15-كۈنى) شىمالىي شىنجاڭنىڭ كۆپ قىسىم رايونلىرىدىكى شامال ئېغىزلىرىدا 11~10 بالغىچە بوران چىقىدۇ ئۈرۈمچى شەھىرىدە ئەڭ يۇقىرى تېمپېراتۇرا 17 سېلسىيە گىرادۇس بولىدۇ ​چوڭقۇر ھەمكارلىشىش ئىلگىرى سۈرۈلۈپ، ئىككى تەرەپ ئورتاق پايدا ئېلىش ئىشقا ئاشۇرۇلىدۇ ۋىلايىتىمىزدىكى جايلار پۇتۇڭخۇانى ئومۇملاشتۇرۇش ھەپتىلىكى پائالىيىتىنى ھەر خىل شەكىلدە قانات يايدۇردى ​رىياسەتچىلىكتە يېڭى يۇلتۇزلار يېتىشتۈرۈلۈپ، ئېلېكتىرونلۇق سودىنىڭ ھاياتىي كۈچى ئۇرغۇتۇلدى ​ۋىلايىتىمىزنىڭ سودىگەر چاقىرىپ مەبلەغ جەلپ قىلىش خىزمىتىدە ئۈزلۈكسىز يېڭى نەتىجە ـ ئۈنۈم قولغا كەلتۈرۈلدى ئاقسۇ شەھىرىنىڭ خەلق ھاۋا مۇداپىئە سىگنالىنى سىناق تەرىقىسىدە بېرىش توغرىسىدىكى ئومۇمىي ئۇقتۇرۇشى ئاپتونوم رايونلۇق خەلق قۇرۇلتىيى دائىمىي كومىتېتى 175 - قېتىملىق مۇدىرلار يىغىنى ئۆتكۈزدى مۇقىم، راۋان، ئەلا بولۇش شىنجاڭنىڭ تاشقى سودىسىنىڭ ئېشىش ۋەزىيىتىنى كۈچەيتتى دۆلەت سەھىيە- ساغلاملىق كومىتېتى: تۈنۈگۈن يەرلىكتە يېڭىدىن كۆپەيگىنى «196+762» شىنجاڭدا دوكلات قىلىنغان يۇقۇملانغۇچىلارنىڭ سانى سىجىل تۆۋەنلىدى، بىراق ئۈرۈمچى، غۇلجا، كورلا شەھىرىدە يەنىلا جەمئىيەت قاتلىمىدىن يۇقۇملانغۇچىلار بار

ئاقسۇ ئاخبارات تورى > مەملىكەت

شى جىنپىڭ رۇسىيە زۇڭتۇڭى پۇتىن بىلەن كۆرۈشتى
مۇھەررىر:ئېزىز سامساق
مەنبە:شىنجاڭ گېزىتىۋاقتى:2022-09-21 11:53:50

شىنخۇا ئاگېنتلىقى، ئۆزبېكىستان سەمەرقەنت، 9 ـ ئاينىڭ 15 ـ كۈنى تېلېگراممىسى (مۇخبىرلار فەن ۋېيگو، ليۇ خۇا) شۇ جاي ۋاقتى 9 ـ ئاينىڭ 15 ـ كۈنى چۈشتىن كېيىن، دۆلەت رەئىسى شى جىنپىڭ سەمەرقەنت دۆلەت مېھمانخانىسىدا رۇسىيە زۇڭتۇڭى پۇتىن بىلەن ئىككى تەرەپ سۆھبىتى ئۆتكۈزۈپ، جۇڭگو ـ رۇسىيە مۇناسىۋىتى ۋە ئورتاق كۆڭۈل بۆلىدىغان خەلقئارا ۋە رايون مەسىلىلىرى توغرىسىدا پىكىر ئالماشتۇردى.

شى جىنپىڭ مۇنداق كۆرسەتتى: بۇ يىلدىن بۇيان، جۇڭگو بىلەن رۇسىيە مول نەتىجىلىك ئىستراتېگىيەلىك ئالاقىنى ساقلىدى. ئىككى دۆلەتنىڭ ھەرقايسى ساھەلەردىكى ھەمكارلىقى پۇختا ئالغا سىلجىتىلدى، تەنتەربىيە جەھەتتىكى ئالماشتۇرۇش يىلى پائالىيىتى تەرتىپلىك قانات يايدۇرۇلدى، يەرلىكلەر ھەمكارلىقى ۋە ئادىمىيەت جەھەتتىكى ئالماشتۇرۇش تېخىمۇ جانلاندى، خەلقئارا سەھنىدە زىچ ماسلىشىپ، خەلقئارا مۇناسىۋەت ئاساسىي مىزانىنى قوغدىدى. دۇنيانىڭ ئۆزگىرىشى، دەۋرنىڭ ئۆزگىرىشى، تارىخنىڭ ئۆزگىرىشى ئالدىدا، جۇڭگو تەرەپ رۇسىيە تەرەپ بىلەن بىرلىكتە تىرىشىپ، چوڭ دۆلەتنىڭ مەسئۇلىيەتچانلىقىنى نامايان قىلىپ، يېتەكلەش رولىنى جارى قىلدۇرۇپ، ئۆزگەرتىش ۋە قالايمىقانچىلىق گىرەلىشىپ كەتكەن دۇنيا ئالدىدا، مۇقىملىق بېغىشلاشنى خالايدۇ.

شى جىنپىڭ مۇنداق تەكىتلىدى: جۇڭگو تەرەپ رۇسىيە تەرەپ بىلەن بىر ـ بىرىنىڭ يادرولۇق مەنپەئىتىگە ئالاقىدار مەسىلىلەردە ئۆزئارا كۈچلۈك قوللاپ، سودا، يېزا ئىگىلىكى، ئۆزئارا تۇتاشتۇرۇش، ئۆزئارا راۋانلاشتۇرۇش قاتارلىق ساھەلەردىكى ئەمەلىي ھەمكارلىقنى چوڭقۇرلاشتۇرۇشنى خالايدۇ. ئىككى تەرەپ شاڭخەي ھەمكارلىق تەشكىلاتى، ئاسىيا ئۆزئارا ھەمكارلىشىش ۋە ئىشىنىش تەدبىرلىرى يىغىنى، كېسەك ئالتۇن دۆلەتلىرى قاتارلىق كۆپ تەرەپلىك رامكىلار ئىچىدە ھەمكارلىشىش ۋە ماسلىشىشنى كۈچەيتىپ، ھەرقايسى تەرەپلەرنىڭ ئىتتىپاقلىشىش، ئۆزئارا ئىشىنىشنى كۈچەيتىشىگە تۈرتكە بولۇپ، ئەمەلىي ھەمكارلىقنى كېڭەيتىپ، ئۆز رايونىنىڭ خەۋپسىزلىك مەنپەئىتىنى قوغدىشى، كەڭ تەرەققىي قىلىۋاتقان دۆلەتلەر ۋە يېڭىدىن گۈللەنگەن بازار دۆلەتلىرىنىڭ ئورتاق مەنپەئىتىنى قوغدىشى كېرەك.

پۇتىن جۇڭگو كوممۇنىستىك پارتىيەسى مەملىكەتلىك 20 ـ قۇرۇلتىيىنىڭ تولۇق مۇۋەپپەقىيەتلىك بولۇشىغا تىلەكداشلىق بىلدۈردى، رەئىس شى جىنپىڭنىڭ رەھبەرلىكىدە، جۇڭگونىڭ ئىقتىساد، جەمئىيەت تەرەققىياتىدا ئۈزلۈكسىز يېڭى مۇۋەپپەقىيەتلەر قولغا كەلتۈرۈلىدىغانلىقىغا ئىشىنىدىغانلىقىنى بىلدۈردى. پۇتىن مۇنداق بىلدۈردى: بۈگۈنكى دۇنيادا نۇرغۇن ئۆزگىرىشلەر يۈزبەرمەكتە، بىردىنبىر ئۆزگەرمەيدىغىنى رۇسىيە ـ جۇڭگو دوستلۇقى ۋە ئۆزئارا ئىشىنىشى بولۇپ، رۇسىيە ـ جۇڭگو ئومۇميۈزلۈك ئىستراتېگىيەلىك ھەمكارلىق ھەمراھىلىق مۇناسىۋىتى تاغدەك مۇستەھكەم. رۇسىيە بىلەن جۇڭگو بىردەك تېخىمۇ ئادىل، مۇۋاپىق بولغان خەلقئارا تەرتىپكە تۈرتكە بولۇشنى تەشەببۇس قىلىپ، خەلقئارا مۇناسىۋەت ئۈلگىسى تىكلىدى. رۇسىيە تەرەپ بىر جۇڭگو پىرىنسىپىدا قەتئىي چىڭ تۇرىدۇ، ئايرىم دۆلەتلەرنىڭ جۇڭگونىڭ يادرولۇق مەنپەئىتىگە ئالاقىدار مەسىلىلەردە ئىغۋاگەرچىلىك ھەرىكەتلىرىنى قوللانغانلىقىنى ئەيىبلەيدۇ. رۇسىيە تەرەپ جۇڭگو تەرەپ بىلەن بىللە ئىككى تەرەپلىك، كۆپ تەرەپلىك ئالاقە، ھەمكارلىقنى مۇستەھكەملەپ، چوڭقۇرلاشتۇرۇپ، ئىقتىساد ـ سودا، ئېنېرگىيە قاتارلىق نۇقتىلىق ساھەلەردىكى ھەمكارلىقنى كېڭەيتىشنى خالايدۇ. رۇسىيە تەرەپ جۇڭگو تەرەپ بىلەن بىرلىكتە، شاڭخەي ھەمكارلىق تەشكىلاتىغا ئەزا دۆلەتلەرنىڭ داۋاملىق تۈردە ئۆزئارا ئىچكى ئىشىغا ئارىلاشماسلىق پىرىنسىپى ئاساسىدا ھەمكارلىقنى چوڭقۇرلاشتۇرۇشقا تۈرتكە بولۇپ، رايوننىڭ خەۋپسىزلىكى، مۇقىملىقىنى قوغدايدىغان نوپۇزلۇق سۇپا بەرپا قىلىشنى خالايدۇ.

شى جىنپىڭ رۇسىيەنىڭ بىر جۇڭگو پىرىنسىپىدا چىڭ تۇرغانلىقىنى ئالقىشلىدى، تەيۋەن جۇڭگونىڭ بىر قىسمى، جۇڭگو تەرەپ «تەيۋەن مۇستەقىللىقى» بۆلگۈنچى كۈچلىرى ۋە سىرتنىڭ ئارىلىشىشىغا قەتئىي قارشى تۇرىدۇ، ھەرقانداق دۆلەتنىڭ تەيۋەن مەسىلىسىگە رېپېرلىق قىلىش ھوقۇقى يوق دەپ تەكىتلىدى.

دىڭ شۆشياڭ، ياڭ جيېچى، ۋاڭ يى، خې لىفېڭ قاتارلىقلار كۆرۈشۈشكە قاتناشتى.

مەسئۇل مۇھەررىر:ئابلىكىم شەمشى
تەكشۈرۈپ بېكىتكۈچى:گۈلباھار مەمەت، جاۋ پېڭ

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش