تونگادا يانار تاغ پارتلاپ ئېغىر ئاپەت كۆرۈلگەنلىكى مۇناسىۋىتى بىلەن
شى جىنپىڭ تونگا پادىشاھى تۇپۇ VIگە ھال سوراش تېلېگراممىسى ئەۋەتتى
لى كېچياڭ تونگا باش ۋەزىرى سوۋالېنىغا ھال سوراش تېلېگراممىسى ئەۋەتتى
شىنخۇا ئاگېنتلىقى، بېيجىڭ، 1 - ئاينىڭ 19 - كۈنى تېلېگراممىسى 1 - ئاينىڭ 19 - كۈنى، دۆلەت رەئىسى شى جىنپىڭ تونگادا يانار تاغ پارتلاپ ئېغىر ئاپەت كۆرۈلگەنلىكى مۇناسىۋىتى بىلەن تونگا پادىشاھى تۇپۇ VIگە ھال سوراش تېلېگراممىسى ئەۋەتتى.
شى جىنپىڭ مۇنداق بىلدۈردى: تونگادا يانار تاغ پارتلىغانلىقى ھەم دېڭىز تاشقىنى قاتارلىق ئېغىر ئاپەتلەرنى كەلتۈرۈپ چىقارغانلىقى، بۇنىڭدىن ئېغىر، زور زىيان كۆرۈلگەنلىكىدىن خەۋەر تېپىپ چۆچۈدۈم، مەن جۇڭگو ھۆكۈمىتى ۋە جۇڭگو خەلقىگە ۋاكالىتەن ھەم ئۆز نامىمدىن تونگا ھۆكۈمىتى ۋە خەلقىدىن سەمىمىي ھال سورايمەن. جۇڭگو بىلەن تونگا بىر - بىرىنى قوللايدىغان، ئۆزئارا ھەمدەم بولىدىغان ئومۇميۈزلۈك ئىستراتېگىيەلىك ھەمراھلار. جۇڭگو تەرەپ تونگا تەرەپنى قۇربىنىڭ يېتىشىچە قوللاپ، تونگا خەلقىنىڭ ئاپەت ئۈستىدىن غەلىبە قىلىپ، يۇرت - ماكانىنى قايتا قۇرۇشىغا ياردەم بېرىشنى خالايدۇ.
شۇ كۈنى، گوۋۇيۈەن زۇڭلىسى لى كېچياڭ تونگا باش ۋەزىرى سوۋالېنىغا ھال سوراش تېلېگراممىسى ئەۋەتتى.