ھۆللۈك جۇڭگو تېبابىتىدىكى بىر خىل قاراش، ئەلۋەتتە، ئۇ يەنە بەدەندىكى نۇرغۇن سوزۇلما كېسەللىكلەر ۋە ساقايماس كېسەللىكلەرنىڭ ئاساسلىق سەۋەبلىرىنىڭ بىرى. جۇڭيى تېبابىتىدە مۇنداق بىر گەپ بار: ھۆللۈكنى ۋاقتىدا يوقاتمىغاندا ھەرخىل كېسەللىكلەرنى كەلتۈرۈپ چىقىرىدۇ. ئادەم بەدىنىدىكى ھۆللۈك بەك ئېغىر بولغاندا، بەدەندە ئاسانلا قارشىلىق كۈچى تۆۋەنلەش ئەھۋالى كۆرۈلىدۇ، بۇ ئادەمنىڭ سالامەتلىكىگە ئىنتايىن پايدىسىز.

ئومۇمەن قىلىپ ئېيتقاندا، ئادەم بەدىنىدە ھۆللۈك ئېغىر بولغاندا، تىل گېزى قېلىن ھەم مايلىق بولۇپ، بەدەندە ئىششىق پەيدا بولىدۇ. بەدىنىمىزدىكى ھۆللۈك زىيادە ئېغىر بولغاندا، ئۇنى تەلتۆكۈس يوقاتقىلى بولمايدۇ، بۇنىڭ بىلەن بەدەن ھەر خىل كېسەللىكلەرگە گىرىپتار بولىدۇ. ئەڭ ياخشى ئۇسۇل بولسا ھۆللۈكنىڭ بەدەنگە كىرىشىدىن ساقلىنىش. ھۆللۈكنى ئېغىرلاشتۇرۇۋېتىدىغان بىر قانچە ناچار ئادەتنى بىز تۇرمۇشتا دائىم ئۇچراپ تۇرىمىز. سالامەتلىكىڭىز ئۈچۈن بۇ بىر قانچە ھۆللۈكنى ئېغىرلاشتۇرىۋېتىدىغان ناچار ئادەتلەرنى ئامال بار قىلماڭ، ھەم ھەرگىز بىپەرۋالىق قىلماڭ.

ئاياللاردىكى ھۆللۈكنى ئېغىرلاشتۇرۇۋېتىدىغان بىر قانچە ناچار ئادەتلەر

سوغۇق يېمەكلىكلەر كىشىنى، بولۇپمۇ ئاياللارنى بەك جەلپ قىلىدۇ. نۇرغۇن قىزلار قىشتا ماروژنى ياكى سوغۇق ئىچىملىك يېيىشنى ياخشى كۆرىدۇ. مەسىلەن، مارۇژنا، چوكا مۇز، مۇزلىتىلغان پىۋا قاتارلىقلار، لېكىن بۇ يېمەكلىكلەر ئادەمنىڭ ئاشقازان-ئۈچەي ئىقتىدارىنى ئاسانلا زەخىملەندۈرىدۇ، بۇنداق بولغاندا بەدەندىكى سۇنىڭ نەملىكى نورمال ئايلىنالمايدۇ، ئۇزاق مۇددەت داۋاملاشقاندا، ئەقلىي جەھەتتىن ئېيتقاندا، ھاۋا ئېقىمى بەدەندىكى نورمال ماددا ئالمىشىشقا تەسىر كۆرسىتىپ، ئاسانلا قورساق كۆپۈش، ئىچى سۈرۈش، ھەزىم قىلىش ياخشى بولماسلىق قاتارلىق ئەھۋاللارنى كەلتۈرۈپ چىقىرىدۇ. شۇڭا ئاياللار مەيلى قانداقلا ئىش بولسۇن، ھەرقانداق ۋاقىتتا سوغۇق يېمەكلىكلەرنى ئاز يېيىشى، مۆتىدىل، بەدەننى قۇۋۋەتلەيدىغان يېمەكلىكلەرنى كۆپرەك يېيىشى كېرەك.

ياشلارنىڭ ھەممىسى ئوشۇقىنى چىقىرىپ كىيىم كىيىشنى ياخشى كۆرىدۇ. بۇ خىل كەيپىياتنىڭ قاچاندىن باشلاپ بىر خىل مودىغا ئايلىنىپ قالغانلىقىنى بىلگىلى بولمايدۇ. كۆپچىلىككە مەلۇمكى، بۇنداق بولغاندا ئاسانلا نەم سوغۇق ھاۋا بەدەن بىلەن ئۇچرىشىپ، بوغۇملار زىيانغا ئۇچراپ، بوغۇم ياللۇغى پەيدا بولىدۇ، قىزلاردا بولسا ئاسانلا يەل تۇرۇپ قېلىش ئەھۋالى كۆرۈلىدۇ، ھەيز كەلگەندە پۇت-قول مۇزلاش، ھەيز ئاغرىتىپ كېلىش ئەھۋالى كۆرۈلىدۇ. جۇڭيى تېبابىتىدە «سوغۇق پۇتتىن كىرىدۇ» دېگەن قاراش بار، سوغۇق ھاۋانىڭ بەدەنگە كىرىشىدىن ساقلىنىش ئۈچۈن، ياشلار ئەڭ ياخشىسى پايپاق كىيىپ، ئوشۇقىنى ياخشى قوغدىشى كېرەك.

ئاياللارغا نىسبەتەن ئېيتقاندا، بىر قىسىم نەم جايلاردا يەنىلا ئاز تۇرغان ياخشى، مەسىلەن، ئىسكىلات، مۇنچا، يەر ئاستى خىزمەت رايونى قاتارلىق جايلارغا ئۇزۇن مۇددەت كۈن نۇرى چۈشمەيدۇ، ئۇنىڭ ئۈستىگە مۇھىتىمۇ بىر قەدەر نەم بولۇپ، ئۇزۇن ۋاقىت بۇنداق جايدا تۇرغاندا ئاسانلا باش قېيىش، كۆكرەك چىڭقىلىش، تېرە مايلىشىش قاتارلىق ئەھۋاللار كۆرۈلىدۇ، يەنە يۇيۇنۇپ بولغاندىن كېيىن، چوقۇم چاچنى قۇرۇتۇشى كېرەك، بولمىسا ئاسانلا بەدەندىكى ھۆللۈك ئېغىرلىشىپ كېتىدۇ . ئاياللار كۆپرەك ۋاقىت چىقىرىپ ئاپتاپقا قاقلانسا بولىدۇ، بۇنداق بولغاندا بەدەندىكى ھۆللۈك ۋە سوغۇقنى ئۈنۈملۈك چىقىرىۋەتكىلى بولىدۇ.

يۇيۇنۇپ بولغاندىن كېيىن پۇتىنى سۈرتمەسلىك

نۇرغۇن كىشىلەر يۇيۇنغاندا، ئادەتتە ساپما كەش كىيىپ ياكى يالاڭ ئاياغ مۇنچىغا كىرىدۇ. يۇيۇنۇپ بولغاندىن كېيىن، لۆڭگە بىلەن بەدىنىنى سۈرتىدۇ، لېكىن دائىم پۇتىنى سۈرتۈشكە سەل قارايدۇ. ئەمەلىيەتتە، ئادەم بەدىنىنىڭ تاپىنىدا ئىچكى ئەزالارغا تۇتىشىدىغان نۇرغۇن پەللە بولۇپ، پۇت ئىزچىل نەم ھالەتتە تۇرغاندا، سوغۇق ۋە نەملىك پۇرسەتتىن پايدىلىنىپ بەدەنگە تاجاۋۇز قىلىپ كىرىپ، ئادەم بەدىنىدىكى ھۆللۈكنىڭ ئېغىرلىشىپ كېتىشىنى كەلتۈرۈپ چىقىرىدۇ.

ئاياللارنىڭ بەدىنىدىكى سوغۇق ۋە نەملىك ئېغىر بولغاندا، بەدەندىكى قان ئايلىنىشمۇ تەسىرگە ئۇچرايدۇ، نۇرغۇن ئاياللاردا پۇت-قول مۇزلاش ئەھۋالى كۆرۈلىدۇ. شۇڭا، ئاياللار ئادەتتە يۇيۇنۇپ بولغاندىن كېيىن، پۇتىنى پاكىز سۈرتۈپ، قۇرغاق ساپما كەش كىيىۋېلىشى كېرەك، بۇنداق قىلغاندا تاپاندىن سوغۇق ئۆتۈپ قېلىشىدىن ساقلىنىپ، ئاياللارنىڭ تەن ساغلاملىقىنى تېخىمۇ ياخشى قوغدىغىلى بولىدۇ.

ھۆللۈك بەك ئېغىر بولۇپ كەتسە، ئادەم بارغانسېرى ھۇرۇنلىشىپ كېتىدۇ، دائىم پۈتۈن بەدىنىدە ماغدۇر يوقتەك، نېمە ئىش قىلسا روھسىز، ھالسىز ھېس قىلىپ ھەرىكەت قىلغۇسى كەلمەيدۇ. بۇ بەدەندە يامان سۈپەتلىك ئايلىنىشنى پەيدا قىلىدۇ، شۇڭا ئاياللار چوقۇم ھەر كۈنى مۇۋاپىق ھەرىكەت قىلىشى، پىيادە مېڭىشى ياكى قول-پۇتلىرىنى سىلكىپ ھەرىكەتلەندۈرۈشى كېرەك، بۇنداق قىلغاندا بەدەننىڭ تۆۋەنكى قىسمىدىكى قان ئايلىنىشنى ئەسلىگە كەلتۈرگىلى بولىدۇ، شۇنداقلا بەدەندىكى قان ئايلىنىش سۈرئىتىنى تېزلىتىشكە پايدىلىق بولۇپ، سۇ ۋە نەملىكنىڭ ماددا ئالماشتۇرۇش ئىقتىدارىنى كۈچەيتكىلى بولىدۇ.