ئاقسۇ ئاخبارات تورى > مەملىكەت

گوۋۇيۈەن بەنگۇڭتىڭى پىكىر بېسىپ تارقاتتى
كەسپىيلەشكەن، كەسىپلەشكەن دورا تەكشۈرگۈچىلەر قوشۇنى قۇرۇش كېرەك
تەھرىر:ئېزىز سامساقمەنبە:خەلق تورىۋاقتى:2019-07-19 18:51:32

خەلق تورى ئۇيغۇرچە قانىلىنىڭ 19 – ئىيۇل بېيجىڭدىن بەرگەن تېلېگراممىسى: گوۋۇيۈەن بەنگۇڭتىڭى يېقىندا «كەسپىيلەشكەن، كەسىپلەشكەن دورا تەكشۈرگۈچىلەر قوشۇنى قۇرۇش توغرىسىدىكى پىكىر»(تۆۋەندە قىسقارتىلىپ «پىكىر» دېيىلىدۇ)نى بېسىپ تارقاتتى.

  «پىكىر»دە مۇنۇلار كۆرسىتىلدى: شى جىنپىڭنىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، پارتىيە مەركىزىي كومىتېتى، گوۋۇيۈەننىڭ دورا بىخەتەرلىكىنى نازارەت قىلىپ تەكشۈرۈشنى كۈچەيتىش توغرىسىدىكى تەدبىر – ئورۇنلاشتۇرمىلىرىغا ئاساسەن، ئىلمىي نازارەت قىلىپ باشقۇرۇش قانۇنىيىتىگە ئەمەل قىلىپ، دورىنى نازارەت قىلىپ باشقۇرۇش تۈزۈلمە – مېخانىزم ئىسلاھاتىنى چوڭقۇرلاشتۇرۇپ، مەنبەدىن قاتتىق ئالدىنى ئېلىش، جەريانىنى قاتتىق باشقۇرۇش، خەتەرنى قاتتىق كونترول قىلىشتا چىڭ تۇرۇپ، دورا بىخەتەرلىكىنى نازارەت قىلىپ تەكشۈرۈشنى كۈچەيتىپ، خەلق ئاممىسىنىڭ جىسمانىي ساغلاملىقى ۋە دورا، ئۈسكۈنە ئىشلىتىش بىخەتەرلىكىگە ھەقىقىي كاپالەتلىك قىلىش كېرەك.

  «پىكىر»دە مۇنۇلار ئوتتۇرىغا قويۇلدى: كەسپىيلەشكەن، كەسىپلەشكەن دورا(داۋالاش ئۈسكۈنىلىرى، گىرىم بۇيۇملىرىنى ئۆز ئىچىگە ئالىدۇ) تەكشۈرگۈچى دورىنى نازارەت قىلىپ باشقۇرۇش تارماقلىرى بېكىتكەن، باشقۇرۇلغۇچىنىڭ دورا تەتقىق قىلىپ ياساش، ئىشلەپچىقىرىش قاتارلىقلار بىلەن شۇغۇللىنىدىغان ئورۇن، پائالىيىتىنى قانۇن بويىچە بەلگىلىمىگە ئۇيغۇنلۇقىنى بېكىتىدىغان ۋە خەۋپ -خەتەرگە ھۆكۈم قىلغۇچى خادىم بولۇپ، دورىنى نازارەت قىلىپ باشقۇرۇش، دورا بىخەتەرلىكىگە كاپالەتلىك قىلىشنى كۈچەيتىشتىكى مۇھىم تايانچ كۈچ. كەسپىيلەشكەن يۆنىلىش ۋە كەسىپلەشكەن، تېخنىكىلىق تەلەپلەردە چىڭ تۇرۇپ، 2020 - يىلىنىڭ ئاخىرىغىچە، گوۋۇيۈەن دورىنى نازارەت قىلىپ باشقۇرۇش تارماقلىرى ۋە ئۆلكە دەرىجىلىك دورىنى نازارەت قىلىپ باشقۇرۇش تارماقلىرى كەسپىيلەشكەن، كەسىپلەشكەن دورا تەكشۈرگۈچىلەر قوشۇنىنىڭ تۈزۈم سىستېمىسى قۇرۇلۇشىنى ئاساسىي جەھەتتىن تاماملىشى كېرەك. بۇ ئاساستا، يەنە ئۈچ يىلدىن بەش يىلغىچە ۋاقىتتا، دورىنى نازارەت قىلىپ باشقۇرۇش تەلىپىنى ئاساسىي جەھەتتىن قاندۇرىدىغان كەسپىيلەشكەن، كەسىپلەشكەن دورا تەكشۈرگۈچىلەر قوشۇن سىستېمىسىنى بەرپا قىلىپ، مەخسۇس ۋەزىپىدىكى تەكشۈرگۈچىنى ئاساس، قوشۇمچە ۋەزىپىدىكى تەكشۈرگۈچىنى قوشۇمچە قىلىدىغان، سىياسىيدا قاتتىق، ساپاسى ياخشى، كەسىپتە كامالەتكە يەتكەن، پاك، يۇقىرى ئۈنۈملۈك تەكشۈرگۈچىلەر قوشۇنىنى يەنىمۇ مۇكەممەللەشتۈرۈش كېرەك.

مەسئۇل مۇھەررىر:گۈلگىنە مەمەت
تەكشۈرگۈچى:ئابدۇسالام ئابلىز

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش