ئاقسۇ ئاخبارات تورى > خەلقئارا

جۇڭگونىڭ لائوستىكى ئەلچىخانىسى جىددىي قۇتقۇزۇشقا تەشكىللىدى
تەھرىر:ئېزىز سامساقمەنبە:خەلق تورىۋاقتى:2019-08-21 19:11:18

جۇڭگو ساياھەتچىلىرى تۈنۈگۈن لائوستا ئېغىر قاتناش ۋەقەسىگە ئۇچرىغاندىن كېيىن، جۇڭگونىڭ لائوستىكى باش ئەلچىخانىسى، كونسۇلخانىلىرى دەرھال جىددىي قۇتقۇزۇشقا تەشكىللىدى.

  شۇ جاي ۋاقتى تۈنۈگۈن سائەت 15 يېرىمدا، جۇڭگولۇق ساياھەتچىلەر ئولتۇرغان بىر ساياھەت ئاپتوبۇسى لائوسنىڭ شىمالىدىكى لوئاڭ پىراباڭ شەھىرىگە 40 كىلومېتىرچە كېلىدىغان جايدا ئېغىر قاتناش ۋەقەسىگە ئۇچرىدى. خەۋەرنى تاپشۇرۇۋالغاندىن كېيىن، جۇڭگونىڭ لائوستىكى باش ئەلچىخانىسى ۋە لوئاڭ پىراباڭدىكى باش كونسۇلخانىسىنىڭ بىرلەشمە جىددىي مېخانىزمىنىڭ ئورۇنلاشتۇرۇشىغا ئاساسەن، جۇڭگونىڭ لوئاڭ پىراباڭدىكى باش كونسۇلى لى جىگۇڭ جىددىي ئەھۋال گۇرۇپپىسىنى باشلاپ ۋەقە يۈز بەرگەن جايغا قاراپ يولغا چىقتى ھەم شۇ جاي ۋاقتى كەچ سائەت 20 ئەتراپىدا يېتىپ بېرىپ، لائوس ھەربىي، ساقچىلىرى ۋە شۇ جايدىكى قۇتقۇزۇش كۈچلىرىنىڭ خىزمەتلىرىگە ماسلاشتى.

  قۇتقۇزۇش نەق مەيدانىدىن كەلگەن خەۋەرگە قارىغاندا، ئاپتوبۇستا 46 ئادەم بار ئىكەن، بۇنىڭ 44 ى جۇڭگو پۇقراسى، ئىككىسى لائوسلۇق ئىكەن. بۈگۈن سەھەرگىچە، جۇڭگو پۇقراسىدىن سەككىزى قازا قىلغان، 29 ى دوختۇرخانىغا ئاپىرىلغان، بىرسى يوقاپ كەتكەن، ئالتىسى قامىلىپ قالغان، قۇتقۇزۇش خىزمىتى يەنىلا جىددىي ئىشلەنمەكتىكەن.

مەسئۇل مۇھەررىر:گۈلگىنە مەمەت
تەكشۈرگۈچى:ئابدۇسالام ئابلىز

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش