ئاقسۇ ئاخبارات تورى > خەلقئارا

لى كېچياڭ تېلېگرامما ئەۋەتىپ، ۋوندېر لېئىننىڭ ياۋروپا ئىتتىپاقى كومىتېتىنىڭ رەئىسلىكىگە سايلانغانلىقىنى تەبرىكلىدى
تەھرىر:ئېزىز سامساق
مەنبە:خەلق تورىۋاقتى:2019-07-19 18:58:37

خەلق تورى ئۇيغۇرچە قانىلىنىڭ 19- ئىيۇل بېيجىڭدىن بەرگەن تېلېگراممىسى: گوۋۇيۈەن زۇڭلىسى لى كېچياڭ 18- چېسلا ئۇرسۇلا ۋوندېر لېئىنغا تېلېگرامما ئەۋەتىپ، ئۇنىڭ ياۋروپا ئىتتىپاقى كومىتېتىنىڭ رەئىسلىكىگە سايلانغانلىقىنى تەبرىكلىدى.

  لى كېچياڭ مۇنۇلارنى بىلدۈردى: نۆۋەتتە جۇڭگو-ياۋروپا مۇناسىۋىتىنىڭ تەرەققىيات ۋەزىيىتى ياخشى بولماقتا، ھەر قايسى ساھەلەردىكى سۆھبەت ھەمكارلىقى ئۈزلۈكسىز كۈچەيمەكتە. جۇڭگو ھۆكۈمىتى ياۋروپا ئىتتىپاقى بىلەن بولغان مۇناسىۋەتنى راۋاجلاندۇرۇشقا ئىزچىل تۈردە يۈكسەك ئەھمىيەت بېرىپ كەلدى، ھەمدە ياۋروپا ئىتتىپاقى كومىتېتىنىڭ ئورنى ۋە رولىغىمۇ ئەھمىيەت بېرىپ كەلدى. جۇڭگو ياۋروپانىڭ بىر گەۋدىلىشىش مۇساپىسىنى باشتىن-ئاخىر قەتئىي قوللايدۇ، ياۋروپا ئىتتىپاقىنىڭ ئىتتىپاقلىق، مۇقىملىق، ئېچىۋېتىش ۋە گۈللىنىشنى ساقلىشىنى ئۈمىد قىلىدۇ. جۇڭگو ياۋروپا بىلەن ئورتاق تىرىشىپ، جۇڭگو-ياۋروپا ئومۇميۈزلۈك ئىستراتېگىيەلىك ھەمراھلىق مۇناسىۋىتىنى ئۈزلۈكسىز يېڭى پەللىگە كۆتۈرۈشنى ئىلگىرى سۈرۈپ، جۇڭگو-ياۋروپا ھەمكارلىق نەتىجىلىرىدىن ئىككى تەرەپ خەلقىگە تېخىمۇ ياخشى نەپ يەتكۈزۈشنى خالايدۇ.

مەسئۇل مۇھەررىر:گۈلگىنە مەمەت
تەكشۈرگۈچى:ئابدۇسالام ئابلىز

خەت ساندۇقى بىز توغرىسىدا ئېلان مۇلازىمىتى بىز بىلەن ئالاقىلىشىڭ ئىختىساسلىقلارنى قوبۇل قىلىش ساقلاش باش بەت قىلىش ناچار ئۇچۇرلارنى پاش قىلىش